Carta del Corpo Governante

‘Valtri gavé de esser istrutori.’ (Ebrei 5:12) Pénsaghe sora: Geovà, el pi grando Istrutor del Universo, el convida noantri insegnar a altri la verità sora Lu! Insegnar la verità sora Geovà nela fameia, nela congregassion o nela predicassion l’è un privilègio spessial e una granda responsabilità. Alora, come che podemo esser boni istrutori?

Catemo la risposta nele parole che el apòstolo Paolo el ga scrito a Timòteo: “Seita sforsarte par leder meio in pùblico, par incoraiar, par insegnar.” Paolo el ga dito ancora: “Fando cossita, te salvarè a ti stesso e a quei che i te scolta.” (1 Timòteo 4:13, 16) El messàgio che predichemo el salva la vita dele persone. Par quela che ghemo de sforsarse par leder e insegnar meio. Questa revista la te giutarà a far pròpio questo. Vedemo tre aiuti:

In tute le pàgine ghen’è questo desegno dela Bìblia che el indica el testo che l’è relassionà cola lession o come méterlo in pràtica.

Questa revista la te giutarà a leder e insegnar meio. Ma no stà mia desmentegarte che Geovà l’è el “Grando Istrutor”. (Isaia 30:20) Lu l’è la fonte del nostro messàgio e l’è Lu che el fà vegner le persone ala verità. (Gioani 6:44) Alora, prega sempre a Geovà par domandarghe el so spìrito santo e dopera la Bìblia. Ciama atension par Geovà, nò par ti stesso. Sfòrsate par giutar quei che i te scolta a amar Geovà de cuor.

Ti te sì stà convidà par insegnar el messàgio pi importante che ghen’è in tuta la Tera. Semo sicuri che, se te fidi “nela forsa che Dio el dà”, te sarè un bon istrutor. — 1 Piero 4:11.

Dei to amighi che i serve insieme con ti,

Corpo Governante dele Testimònie de Geovà