LESSION 05
Dio el parla con noantri par meso dela Bìblia
La Bìblia la ga 66 pìcoli libri e la ze un bel presente de Geovà par noantri. Ma fursi te te domandi: ‘Come che la Bìblia la ze stata fata? La Bìblia la ze la parola de chi?’ Par saver le risposte, ghemo de cognosser de pi la stòria dela Bìblia.
1. Come che la Bìblia la ze de Dio se la ze stata scrita par òmini?
Dio el ga doperà intorno de 40 òmini par scriver la Bìblia e ghe ga metesto intorno de 1600 ani par scrìverla. La Bìblia la ga scominsià a esser scrita nel ano 1513 vanti de Gesù nasser e la ze stata finida nel ano 98 dopo de Gesù nasser. Persone tanto difarente una del’altra le ga scrito la Bìblia. Par esémpio, pastori, pescadori e rè. Anca cossita, la ze de acordo del scomìnsio al fin. Questo prova che la Bìblia la ze de Dio. (Ledi 1 Tessalonissensi 2:13.) Questi òmini no i ga scrito quel che lori i volea, ma Dio el ga doperà el so spìrito santo par mostrarghe cossa che i gavea de scriver.a (2 Piero 1:21) Alora, Dio el ga doperà el so spìrito santo par dir a questi òmini i so pensamenti. — 2 Timòteo 3:16.
2. Chi che pol leder la Bìblia?
Dio el ga fato la Bìblia par persone de ‘tute le nassion, tribo, léngua e pòpolo’. (Ledi Apocalisse 14:6.) Alora, capimo parché che la Bìblia la ze fata in de pi léngue che qualche altro libro. Quasi tute le persone le pol leder le bone notìssie che la Bìblia la ga, no importa ndove le ze de star o in che léngua le parle.
3. Cossa che Geovà el ga fato par noantri gaver la Bìblia ancoi?
La Bìblia la ze stata scrita in robe che le se finisse, come el coro e el papiro. Ma arquanti òmini che i amea la Bìblia i ga fato còpie e i ga fato tanto sforso par scriver pròpio tuto. E persone de poder le ga proà finir fora cola Bìblia, ma Geovà el ga doperà persone che le ga fin ris-cià la so vita par protegerla. Cossita, Geovà no’l ga assà che gnente lo intrighesse de parlar con noantri. La Bìblia la dise: ‘La Parola del nostro Dio la resta par sempre.’ — Isaia 40:8.
IMPARA DE PI!
Come che Geovà el ga fato par dir ai òmini cossa che i gavea de scriver nela Bìblia? Cossa che Geovà el ga fato par protegerla e dar a tuti la oportunità de lederla?
4. La Bìblia la dise de chi che la ze
Vardé el VÌDEO. Dopo, ledé 2 Timòteo 3:16, e parlé sora questo:
Come che la Bìblia la ze la Parola de Dio se la ze stata scrita par òmini?
Te credi che Dio el ga parlà par i òmini cossa che i gavea de scriver?
Un paron de laoro el pol domandar che una persona la scriva quel che lu el vol nte una carta. Anca la Bìblia la ze stata scrita par òmini, ma le idee le ze de Dio.
5. Tanti i ga proà finir fora cola Bìblia, ma no i ze stati boni
Dio no’l ga assà nissuni finir fora cola Bìblia parché la ze pròpio la so Parola. Tanti òmini de poder i ga proà finirla fora. Tanti lìderi religiosi no i volea che le persone le gavesse una Bìblia. Ma tante persone le ga fato tuto quel che le podea par proteger la Bìblia. Ndemo cognosser a un omo che el ga fato questo. Vardé el VÌDEO, e dopo, parlé sora questo:
Saver un pochetin sora la stòria dela Bìblia te ga dato de pi voia de lederla? Parché?
Ledé Salmo 119:97, e dopo, parlé sora questo:
Tante persone le ga fin ris-cià la so vita par darghe la oportunità a tuti de gaver una Bìblia. Parché?
6. Un libro par tute le persone
La Bìblia la ze el libro che ghen’è in de pi léngue e quasi tute le persone la ga. Ledé Ati 10:34, 35, e dopo, parlé sora questo:
Parché che Dio el vol che la Bìblia la sìpia fata in tante léngue e che tute le persone la gàpia?
Cossa che te assa pi maraveià sora la Bìblia?
Quasi
100%
dele persone
le pol leder la Bìblia nela léngua che lore le capisse
Se pol lederla in de pi de
3.000
léngue
tuta o sol parte
5.000.000.000
Intorno de questo l’è el nùmero de còpie
tanto de pi che qualche altro libro
FURSI TE GHÈ BELCHE SCOLTÀ: “La Bìblia la ze sol un libro vècio e scrito par i òmini.”
Cossa che te pensi sora questo?
Cossa che prova che la Bìblia la ze la Parola de Dio?
COSSA CHE TE GHÈ IMPARÀ?
La Bìblia la ze la Parola de Dio e lu el vol che tute le persone la gàpia.
Sito bon de ricordarte?
La Bìblia la dise che Dio el ga doperà òmini par scrìverla. Come che lu el ga fato questo?
Anca se tante persone le ga proà finir fora cola Bìblia, la ze el libro che ghen’è in de pi léngue e quasi tute le persone la ga. Parché che te resti maraveià de saver questo?
Come che te te senti de saver de tuto quel che Dio el ga fato par assar la Bìblia par ti?
VUTO SAVER DE PI?
Ledi sora la stòria dela Bìblia.
“Come che ghemo la Bìblia fin ancoi?” (Despertai!, novembre de 2007)
Che tre dificoltà la Bìblia la ga infrontà?
“Una stòria che te piaserà saver” (La Sentinela No. 4 de 2016)
Varda cossa che i tradutori dela Bìblia i ga infrontà.
Le ze state fate tante còpie dela Bìblia in tante léngue. Come te pol esser sicuro che le ze compagne ala prima che la ze stata fata?