Cossa che Geovà el pensa sora el sangue?

Sicuro che el sangue l’è tanto importante, parché sensa lu no semo boni de viver. Come Dio l’è el nostro Creador, sol lu el pol dir come noantri podemo doperar el sangue. Ma cossa che lu el dise sora el sangue? Sarà che se pol magnar qualcossa con sangue, ricever o darghe sangue a qualchedun? E come che podemo far bone scólie sora come doperarlo?

1. Cossa che Geovà el pensa sora el sangue?

Geovà el ga dito ai so servi nel passà: ‘La vita de tute le robe che le ze vive la ze el so sangue.’ (Levìtico 17:14) Alora, Geovà el ga mostrà che la vita la ze el sangue. Se la vita la ze un presente tanto importante de Geovà, anca el sangue l’è.

2. Cossa che Geovà no’l ne assa far col sangue?

Pena dopo del Dilùvio e anca nela època dei israeliti, Geovà el ga dito ai so servi che no i magnesse el sangue. (Ledi Génesi 9:4 e Levìtico 17:10.) E Geovà el ga parlà la medèsima roba a quei che i ndea drio a Cristo. El corpo governante el ga dito: ‘Seité a no acetar el sangue.’ — Ledi Ati 15:28, 29.

Metemo dir che un dotor el parlesse che no te pol acetar e gnanca doperar àlcol. Sicuro che ti no te ndarissi bever àlcol, mia vera? Ma sarà che te ndarissi magnar qualcossa con àlcol o meterlo rento le to vene? Sicuro che nò, parché el ndaria farte mal dela stessa maniera. Alora cossa vol dir no acetar sangue? No bever, no magnar gnente che sìpia stà parecià con sangue e gnanca la carne de una bèstia che la ze stata copada sensa butar via el so sangue.

Ma cossa la Bìblia la dise sora i tratamenti de salute che i dopera el sangue? Ghen’è tratamenti che la Bìblia la mostra che i ze sbaliadi. Par esémpio, tratamenti che i dopera tuto el sangue o una dele so parte, come i glòbuli rossi, i glòbuli bianchi, le plachete e el plasma. Ma la Bìblia no la dise gnente sora altri tratamenti de salute. Par esémpio, arquanti tratamenti i dopera pìcole parte dei glòbuli rossi, dei glòbuli bianchi, dele plachete o del plasma. Altri tratamenti i dopera el sangue dela persona. Quando ne ocore far un tratamento cossita, cada persona la ga de dessider cossa che la vol far.a — Gàlati 6:5.

IMPARA DE PI!

3. Scoli un tratamento che ghe piaserà a Geovà

Cossa che pol giutarte a dessider che tratamenti ghe piaserà a Geovà? Vardé el VÌDEO, e dopo, parlé sora parché che l’è importante far queste robe qua soto:

VÌDEO: Come far dessision sora tratamenti de salute relassionadi col sangue (5:47)

• Domandar che Geovà el te dae sabedoria. — Tiago 1:5.

• Studiar sora prinsipi dela Bìblia e pensar come meterli in pràtica. — Proverbi 13:16.

• Ndar in serca de tratamenti che te pol far darente de ndove te sì de star.

• Scòlier i tratamenti che no te vol far.

• Pensar se le to dessision le te assarà tranquilo. — Ati 24:16.b

• Ricòrdarte che nissuni i pol dirte quel che te ghè de far se la dessision la ze de cossiensa. Alora, gnanca el to omo o dona, gnanca un ansiano, gnanca la persona che la te giuta a capir la Bìblia la pol dessider nel nostro posto. — Romani 14:12.

• Scrivi le to dessision. Cossita, se ghe ocore, i altri i lo saverà.

4. Le Testimònie de Geovà le vol el meio tratamento de salute

Noantri semo boni de seitar a obedir la lege de Geovà sora el sangue e gaver un bel tratamento de salute. Vardé el VÌDEO.

VÌDEO: Intervista col Dotor Massimo Franchi (1:36)

Ledé Tito 3:2, e dopo, parlé sora questo:

• Parché che ghemo de mostrarghe rispeto e bontà quando parlemo coi dotori?

I servi de Dio no i dopera	Cada un el pol dessider
A. Plasma	Pìcole parte che ghen’è nel plasma
B. Glòbuli bianchi	Pìcole parte che ghen’è nei glòbuli bianchi
C. Plachete	Pìcole parte che ghen’è nele plachete
D. Glòbuli rossi	Pìcole parte che ghen’è nei glòbuli rossi

5. Cossa far sora le pìcole parte del sangue?

El sangue el ga quatro parte pi importante: glòbuli rossi, glòbuli bianchi, plachete e plasma. Cada parte de queste la pol esser spartida in pìcole parte.c Queste pìcole parte le ze doperade par far rimedi che i giuta una persona a restar meio de una malatia o par fermar de perder sangue.

Cada servo de Dio el ga de dessider se el vol doperar le pìcole parte del sangue. Lu el ga de pensar sora quel che la Bìblia la dise e doperar la so cossiensa par dessider se lu el vol doperarle o nò. Arquanti i pol dessider no far operassion o tratamenti che i ga le pìcole parte del sangue, e altri i pol dessider de farli.

Quando te vè dessider qualcossa, pensa sora:

• Come che mi podaria spiegar a un dotor parché mi dopero o nò qualche pìcole parte del sangue?

COSSA CHE TE GHÈ IMPARÀ?

Geovà el vol che doperemo el sangue dela maniera giusta.

Sito bon de ricordarte?

• Parché che el sangue l’è tanto importante par Geovà?

• Come che savemo che Geovà no vol che te ricevi sangue o che te lo dè a qualchedun?

• Come podemo far bone dessision quando ne ocore far tratamenti che i dopera el sangue?

VUTO SAVER DE PI?

Cossa che te ghè de capir prima de far un tratamento che el ndarà doperar el to sangue?

“Domande dei letori” (La Sentinela, 15 de otobre de 2000)

Cossa che te ghè de capir prima de dessider se te vol doperar pìcole parte del sangue?

“Domande dei letori” (La Sentinela, 15 de giugno de 2004)

Cossa che ga giutà un dotor a capir che quel che Geovà el dise sora el sangue l’è giusto?

“Go acetà quel che Dio el pensa sora el sangue” (Despertai!, 8 de disembre de 2003)

Varda come che i ansiani che i fà parte dela Comission de contato coi ospedai i giuta i fradei.

Geovà el tende dei maladi (10:23)