LESSION 43
Cossa che la Bìblia la dise sora le bebide de àlcol?
Le persone le pensa de maniere difarente una del’altra sora le bebide de àlcol. Par esémpio, arquanti i ghe piase de bever qualcossa insieme dei amighi, altri no i beve gnente e ghen’è de quei che i fà la ciuca. Ma cossa che la Bìblia la dise sora le bebide che le ga àlcol?
1. L’è sbalià bever bebide che le ga àlcol?
La Bìblia no la dise che l’è sbalià bever. Invesse, ela la dise che un dei presenti che Dio el ne ga dato l’è stà el vin. (Salmo 104:14, 15) E la Bìblia la parla de arquanti òmini e done fedeli che i bevea bebide de àlcol. — 1 Timòteo 5:23.
2. Che consìlio la Bìblia la dà par quei che i vol bever?
Geovà el dise che l’è sbalià bever massa e far la ciuca. (Gàlati 5:21) La Bìblia la dise: “No stà restar intrà quei che i beve massa vin.” (Proverbi 23:20) Alora, se volemo bever qualcossa, no ghemo de bever massa gnanca se semo noantri soli. Parché? Parché una persona che la beve massa no la sarà bona de controlar quel che la parla, quel che la fà e gnanca la sarà bona de pensar dela maniera giusta. La persona che la beve massa la pol fin restar malada par causa de questo. Alora, se no semo boni de tirarse indrio de bever massa, saria meio che no bevéssino pi gnente.
3. Come che podemo rispetar la dessision dei altri?
Cada persona la ga de dessider se la va bever o nò. Alora, no ghemo de giulgar a nissuni. Par esémpio, se savemo che qualchedun no’l vol bever, no ndaremo proar farlo bever. (Romani 14:10) E se savemo che qualchedun el restarà disgustà se bevemo qualcossa, sarà meio che no lo femo. (Ledi Romani 14:21.) Noantri ghemo de pensar ‘no sol in noantri, ma in quel che l’è meio par i altri’. — Ledi 1 Corinti 10:23, 24.
IMPARA DE PI!
Che prinsipi dela Bìblia i ndarà giutarte a dessider se te ndarè bever o nò e quanto te ndarè bever? Cossa che te pol far se te bevi massa?
4. Dessidi se te ndarè bever o nò
Cossa che Gesù el pensea sora bever bebide che le ga àlcol? El primo miràcolo che Gesù el ga fato el ne giuta a capir la risposta. Ledé Gioani 2:1-11, e dopo, parlé sora questo:
Come che questo miràcolo el ne giuta capir cossa che Gesù el pensa sora le bebide che le ga àlcol e sora quei che le beve?
Gesù el ga mostrà che no l’è mia sbalià bever. Alora, cossa che i so dissìpoli i ga de pensar sora quei che i vol bever?
L’è vera che i servi de Dio i pol bever bebide che le ga àlcol. Ma dele volte, fursi saria meio no farlo. Ledé Proverbi 22:3, e dopo, parlé sora come che le robe qua soto le pol giutarte a dessider se te vè bever o nò.
Te vè guidar o laorar con una màchina.
Te sì drio spetar un bambin.
Un dotor el te dise de nò bever.
Te fà fadiga tirarte indrio de far la ciuca.
La lege del paese no la te assa bever.
Te sì insieme de qualchedun che el ga dessidio de no bever parché el bevea massa nel passà.
Sarà che te ghè de servir bebide de àlcol nte una festa de matrimònio o in altre feste? Cossa che pol giutarte a far la meio roba? Vardé el VÌDEO.
Ledé Romani 13:13 e 1 Corinti 10:31, 32. Dopo de leder cada testo, parlé sora questo:
Come che questo testo el pol giutarte a far quel che Geovà el ghe piaserà?
Cada un el ga de dessider se el ndarà bever bebide alcòliche. Pol esser che un fradel che el beve, dele volte, el dessida no farlo.
5. Dessidi quanto che te ndarè bever
Se te dessidi bever, ricòrdate: Geovà no’l dise che l’è sbalià bever, ma che l’è sbalià bever massa. Parché? Ledé Oseia 4:11, 18, e dopo, parlé sora questo:
Cossa che pol suceder quando la persona la beve massa?
Cossa che ndarà giutarte a no bever massa? Te ghè de saver quanto che te pol bever. Ledé Proverbi 11:2, e dopo, parlé sora questo:
Parché l’è bon dessider quanto che te ndarè bever?
6. Cossa che pol giutar qualchedun che beve massa?
Cossa che ga giutà un omo a fermarse de bever massa? Vardé el VÌDEO, e dopo, parlé sora questo:
Cossa che Dimitry el fea quando el bevea?
Sarà che lu l’è stà bon de fermarse de bever nela prima volta che el ga proà?
Come che lu l’è stà bon de dàrghene fora con questa dificoltà?
Ledé 1 Corinti 6:10, 11, e dopo, parlé sora questo:
Sarà che l’è pròpio bruto far la ciuca?
Cossa che mostra che una persona che la beve massa la pol cambiar?
Ledé Mateo 5:30, e dopo, parlé sora questo:
In questa ilustrassion de Gesù, lu el ga insegnà che fursi ghemo de far sacrifissi par contentar a Geovà. Cossa che pol giutarte se no te sì bon de fermarte de bever massa?a
Ledé 1 Corinti 15:33, e dopo, parlé sora questo:
Come gaver amighi che i beve massa pol intrigarte?
FURSI QUALCHEDUN EL TE DOMANDE: “L’è sbalià bever bebide che le ga àlcol?”
Cossa che te ndarissi risponder?
COSSA CHE TE GHÈ IMPARÀ?
Bever l’è un presente de Geovà, ma lu el dise che l’è sbalià bever massa o far la ciuca.
Sito bon de ricordarte?
Cossa che la Bìblia la dise sora le bebide de àlcol?
Parché che l’è pericoloso bever massa?
Come che podemo mostrarghe rispeto ale dessision dei altri?
VUTO SAVER DE PI?
Come che i gióveni i pol far bone dessision sora bebide alcòliche?
Varda cossa che pol giutarte se te vol fermarte de bever massa.
“Come gaver el pensamento giusto sora el àlcol?” (La Sentinela, 1 de genaro de 2010)
Sarà che quei che i va drio a Cristo i pol far brinde?
Varda la stòria “Mi bevea tanto” par capir come un omo l’è stà bon de fermarse de bever massa.
“La Bìblia la càmbia la vita dele persone” (La Sentinela, 1 de maio de 2012)
a Pol esser che quei che i beve massa i gàpia de ndar a un dotor par gaver aiuto. Tanti dotori i dise che quei che i beve massa fursi i ga de fermarse del tuto de bever.