LESSION 45

Cossa vol dir no meterse nela polìtica e nele robe del mondo?

Edission stampada

Gesù el ga dito par i so dissìpoli no esser come le persone del mondo. (Gioani 15:19) Cossita, ghemo de esser neutri, o sia, no meterse nela polìtica e nele guere del mondo. Ma dele volte, no l’è mia fàcile farlo parché le persone le ne ride drio. Alora, come che podemo seitar a esser leai a Geovà e mai meterse nela polìtica e nele guere?

1. Cossa che quei che i va drio a Cristo i pensa sora i governi?

Quei che i va drio a Cristo i ga rispeto par i governanti. Gesù el ga dito che ‘ghemo de dar a Cesar quel che l’è de Cesar’. Alora, ghemo de obedir ale lege del governo, come de pagar imposti. (Marco 12:17) La Bìblia la dise che òmini i ze drio governanar parché Geovà li assa. (Romani 13:1) Alora, capimo che i governanti i ga manco autorità che Dio. Noantri savemo che sol Geovà e el so Regno i ndarà finir fora coi problemi dele persone.

2. Come che podemo mostrar che no se metemo nela politica e nele guere?

Noantri femo compagno a Gesù e no se metemo nela polìtica. Varda quel che Gesù el ga fato quando le persone le ga visto i so miràcoli e le ga proà farlo rè. Lu no’l ga assà che le persone lo fesse rè. (Gioani 6:15) Parché? Lu el ga dito pi tardi che el so Regno no’l fea parte de questo mondo. (Gioani 18:36) Come ndemo drio a Cristo, volemo far compagno a lu. Par esémpio, no ndemo ale guere. (Ledi Michea 4:3.) Noantri ghemo rispeto par la bandiera, ma no la adoremo mia. (1 Gioani 5:21) E noantri no giutemo e gnanca ndemo contra un polìtico. Se femo cossita, mostremo che semo leai al governo de Dio.

IMPARA DE PI!

Quando che fursi pol esser fadiga no meterse nele guere o nela polìtica? Cossa che pol giutarte a far quel che ghe piaserà a Geovà?

Un omo che no’l se mete nela polìtica. Lu no’l ghe bada quel che i polìtichi i ze drio dir ale persone.

3. I veri dissìpoli de Gesù no i se mete nela polìtica e nele guere

Gesù e i so dissìpoli no i se ga mai metesto nela politica e nele guere. Alora, noantri ghemo de far compagno a lori. Ledé Romani 13:1, 5-7 e 1 Piero 2:13, 14. Dopo, vardé el VÌDEO, e parlé sora questo.

VÌDEO: I veri cristiani i ze neutri — Parte 1 (4:28)

Parché che ghemo de mostrar rispeto ai governanti?
Come che mostremo che ghe obedimo?

Quando l’è drio suceder una guera, arquanti paesi i dise che no i ndarà meterse. Anca cossita, lori i giuta quei che i ze nela guera. Alora, cossa che vol dir no meterse nele guere? Ledé Gioani 17:16. Dopo, vardé el VÌDEO, e parlé sora questo.

VÌDEO: I veri cristiani i ze neutri — Parte 2 (3:11)

Come una persona la mostra che no la se mete nela politica e nele guere?

Cossa che te ghè de far se el governo el vol che te fae qualcossa che no ghe piase a Geovà? Ledé Ati 5:28, 29. Dopo, vardé el VÌDEO e parlé sora questo.

VÌDEO: I veri cristiani i ze neutri — Parte 3 (1:18)

Metemo dir che la lege dei òmini dise de far una roba, ma la lege de Dio la dise de far nantra. A chi che ndaremo obedir?
Sito bon de pensar quando i servi de Dio no i gavaria de obedir ai governanti?

4. Stà atento a quel che te fè e a quel che te pensi

Ledé 1 Gioani 5:21. Dopo, vardé el VÌDEO, e parlé sora questo.

VÌDEO: I veri cristiani i ga de bisogno de coraio — Par continuar neutri (2:49)

Parché che Ayenge el ga dessidio no meterse nela polìtica e gnanca darghe onor ala bandiera?
Te pensi che el ga fato la roba giusta?

Quando che fursi pol esser fadiga no meterse nela polìtica? Vardé el VÌDEO, e dopo, parlé sora questo.

VÌDEO: Imparemo de La Sentinela — Seitemo neutri in questo mondo spartio (5:16)

Come che podemo seitar leai al Regno de Dio se semo drio vardar un giugo intrà due paesi?
Pol esser che la dessision de un governante la ndarà giutarne o intrigarne. Come che podemo no meterse nela polìtica quando sucede una roba cossita?
Come quel che scoltemo dele notìssie o dele persone pol intrigarne de no meterse nela polìtica?

Ilustrassion: 1. Una mùcia de gente la ze drio tegner plache e far protesto. 2. Un omo l’è drio tegner una bandiera e el vol che el so time el vinsa. 3. Un aluno l’è drio cantar la mùsica del paese. 4. Una dona che la ze un soldado la ze drio tegner una arma. 5. Due polìtichi i ze drio discutir. 6. Una dona la ze drio votar nela eleission. — Mostra che no te te meti nela polìtica e nele guere par meso de quel che te pensi e in quel che te fè. Quando che l’è importante farlo?

FURSI QUALCHEDUN EL TE DOMANDE: “Parché che no te ghe dè onor ala bandiera e no te canti la mùsica del paese?”

Cossa che te ndarissi risponder?

COSSA CHE TE GHÈ IMPARÀ?

Quei che i va drio a Cristo i se sforsa de no meterse nela polìtica. Par quela, lori i stà atenti a quel che i fà, quel che i pensa e quel che i parla.