LESSION 36
Sìpia una persona de fidarse!
Tuti noantri volemo gaver amighi che i fae quel che l’è giusto, e anca Geovà el vol. Ma dele volte, l’è fadiga far quel che l’è giusto parché le persone le fà tante robe sbaliade ancoi. Anca cossita, parché che ghemo de sforsarse par far tuto polito?
1. Parché che volemo sempre far quel che l’è giusto?
Se femo quel che l’è giusto, mostremo che amemo e rispetemo a Geovà. Ghemo de ricordarse che Geovà el sa de tuto quel che femo e pensemo e el resta tanto contento quando el vede che semo drio far quel che l’è giusto. (Ebrei 4:13) La Bìblia la dise: ‘Geovà el òdia quei che no i ze de fidarse, ma el ga una forte amicìssia con quei che i ze giusti.’ — Proverbi 3:32.
2. Come che mostremo che volemo far sempre quel che l’è giusto?
La persona che la fà sempre quel che l’è giusto no la ciava i altri, gnanca la proa imbroiarli par guadagnar qualcossa. (Ledi Proverbi 24:28 e Efesi 4:28.) E la persona che la fà quel che l’è giusto la paga tute le tasse e imposti. (Romani 13:5-7) Geovà anca el speta che la parle sempre la verità. (Zacaria 8:16, 17) Par esémpio, quando la parla con quei dela so fameia, coi coleghi de laoro, coi fradei dela congregassion o le autorità, ela no la conta busie gnanca la càmbia le stòrie. Se femo cossita, ndaremo mostrar che volemo sempre far quel che l’è giusto. — Ebrei 13:18.
3. Parché che l’è bon far sempre quel che l’è giusto?
Quando le persone le vede che femo sempre quel che l’è giusto, lore le se fida in noantri. Noantri anca giutemo i fradei a sentirse ben nela congregassion, come se i fusse una fameia. E quando femo sempre quel che l’è giusto, ghemo una cossiensa tranquila e giutemo i altri a voler imparar de pi sora Geovà. — Tito 2:10.
IMPARA DE PI!
Come che far sempre quel che l’è giusto te giuta a gaver una vita meio e far pi forte la to amicìssia con Geovà? De che altre maniere te vol mostrar che te vol far sempre quel che l’è giusto?
4. Quando femo quel che l’è giusto, assemo Geovà contento
Ledé Salmo 44:21 e Malachia 3:16, e dopo, parlé sora questo:
Parché che no ghemo de pensar che Geovà no’l ndarà veder quel che femo de sbalià?
Come che te pensi che Geovà el se sente quando parlemo la verità anca che no sìpia fàcile?
Quando i tosatei i conta la verità, lori i assa el so pare e so mare contenti. Quando noantri parlemo sempre la verità, assemo Geovà contento
5. Fà sempre polito
Tante persone le pensa che no le ze bone de sempre far quel che l’è giusto. Ma varda parché che l’è importante farlo sempre. Vardé el VÌDEO.
Ledé Ebrei 13:18, e dopo, parlé come che podemo far sempre quel che l’è giusto . . .
nela fameia.
nel laoro o nela scola.
in altre robe.
6. Far sempre quel che l’è giusto l’è bon par ti
Pol esser che infrontemo problemi quando femo sempre quel che l’è giusto. Ma podemo esser sicuri che la ze la meio roba de far. Ledé Salmo 34:12-16, e dopo, parlé sora questo:
Come che far sempre quel che l’è giusto ndarà giutarte a gaver una vita meio?
El omo e la dona che i fà sempre quel che l’è giusto i ga un bel matrimònio
I paroni i se fida de pi in quei che i fà sempre quel che l’è giusto nel laoro
Le autorità le rispeta quei che i fà sempre quel che l’è giusto
FURSI TE GHÈ BELCHE SCOLTÀ: “No l’è sbalià contar qualche busie se no le ndarà far i altri sofrir.”
Parché che te pensi che Geovà el òdia tute le busie?
COSSA CHE TE GHÈ IMPARÀ?
Geovà el vol che i so amighi i fae sempre quel che l’è giusto.
Sito bon de ricordarte?
De che maniere podemo far sempre quel che l’è giusto?
Parché che no ghemo de pensar che Geovà no’l ndarà veder quel che femo de sbalià?
Parché che te vol far sempre quel che l’è giusto?
VUTO SAVER DE PI?
Come che i genitori i pol insegnar i so fioi a far sempre quel che l’è giusto?
Parché che ghemo sempre de far quel che ghemo prometesto?
Varda parché che ghemo de pagar i imposti anca quando no i ze doperadi dela maniera giusta.
“Te toca pagar i imposti?” (La Sentinela, 1 de setembre de 2011)
Cossa che ga giutà un omo che el fea tante robe sbaliade a cambiar la so vita?
“Go imparà che Geovà l’è bon e pronto a perdonar” (La Sentinela, 1 de maio de 2015)