LESSION 49
Come che la to fameia la pol esser felice? — Parte 1
Un omo e una dona i resta tanto contenti nel so matrimònio. Sicuro che lori i vol esser felici cossita par sempre. I servi de Geovà che i ze maridadi fà tanto tempo e che i se sforsa de far quel che la Bìblia la dise i sa che i pol gaver un bel matrimònio par sempre.
1. Che consili la Bìblia la dà par i òmini?
Geovà el ga scoliesto el omo par tender dela fameia. (Ledi Efesi 5:23.) Alora, lu el vol che le dessision che el omo el fà le sìpia bone par tuta la fameia. La Bìblia la dise che ‘el omo el ga de continuar a amar la so sposa’. (Efesi 5:25) Come che lu el pol mostrar che el ama la so dona? Lu el ga de tratarla ben casa e anca davanti dei altri. Lu el se sforsa de protegerla, assarla contenta e darghe quel che la ga de bisogno par viver. (1 Timòteo 5:8) El omo el ga anca de giutar la so dona a gaver una forte amicìssia con Geovà. (Mateo 4:4) Par esémpio, lu el pol pregar e leder la Bìblia insieme con ela. El omo che el tende ben dela so dona el ga una forte amicìssia con Geovà. — Ledi 1 Piero 3:7.
2. Che consili la Bìblia la dà par le done?
La Bìblia la dise che la dona ghe ocore gaver ‘un grando rispeto par el so omo’. (Efesi 5:33) Come che una dona la pol mostrar che la rispeta el so omo? Ela la ga de giutarlo quando el fà le dessision e darghe valor ale so bele qualità e a quel che lu el fà par tender dela fameia. Ela anca la ga de discorer con lu con bontà e mai parlar robe rugne de lu ai altri, anca se lu no’l serve mia a Geovà.
3. Come che un omo e una dona i pol gaver un bel matrimònio?
La Bìblia la dise che un omo e una dona che i se marida i deventa ‘una sol carne’. (Mateo 19:5) Alora, lori i ga de far tuto quel che i pol par seitar a gaver un forte amor intrà de lori. Cossa che pol giutarli? Passar tempo insieme e parlar un al altro cossa che i ze drio pensar e sentir. La persona pi importante nela vita de lori la ga de esser Geovà e dopo un al altro. Quei che i ze maridadi anca i ga de star atenti par no scominsiar a gaver sentimenti par qualchedun che no’l sìpia so omo o so dona.
IMPARA DE PI!
Come che i prinsipi dela Bìblia i pol giutarte a gaver un bel matrimònio?
4. El omo el ga de amar e tender dela so dona
La Bìblia la dise che el omo el ga de amar la so dona come el so corpo. (Efesi 5:28, 29) Come cossita? Vardé el VÌDEO, e dopo, parlé sora questo.
De che maniere el omo el mostra che el ama e el tende dela so dona?
Ledé Colossensi 3:12, e dopo, parlé sora questo:
Come che el omo el pol mostrar queste qualità nel matrimònio?
5. La dona la ga de amar e rispetar so omo
La Bìblia la dise che la dona la ga de rispetar el so omo, anca se lu no’l serve mia a Geovà. Ledé 1 Piero 3:1, 2, e dopo, parlé sora questo:
Se el to omo no’l serve gnancora a Geovà, sicuro che te vol che el scomìnsie a farlo. Cossa che te pensi che ndaria giutarlo de pi? Seitar a parlarghe sora la Bìblia o mostrarghe rispeto, bontà e amor? Parché?
El omo e la dona i pol far bone dessision insieme. Ma pol esser che la dona no la ze mia de acordo con quel che el omo el desside. Alora, ela la pol parlarghe quel che la ze drio pensar con rispeto e calma. Ela la ga anca de capir che Geovà el ga dato al omo el laoro de tender dela fameia e de far arquante dessision. Alora, la dona la ga de sforsarse par giutarlo quando el desside far qualcossa. Cossita, ela la giuta la fameia a esser felice. Ledé 1 Piero 3:3-5, e dopo, parlé sora questo:
Come che Geovà el se sente quando la dona la rispeta el so omo?
6. Valtri podé dàrghene fora coi problemi nel matrimònio
No ghen’è gnanca un matrimònio che el sìpia perfeto. Anca cossita, el omo e la dona i pol dàrghene fora coi problemi che i infronta nel matrimònio. Vardé el VÌDEO, e dopo, parlé sora questo.
Cossa che mostra che el omo e la dona no i gavea pi un forte amor intrà de lori?
Cossa che lori i ga fato par gaver un bel matrimònio nantra volta?
Ledé 1 Corinti 10:24 e Colossensi 3:13. Dopo de leder cada un de questi testi, parlé sora questo:
Come che questo consìlio giuta el omo e la dona a gaver un forte amor nel matrimònio?
La Bìblia la dise che ghemo de darghe onor un al altro. Alora, ghemo de tratar a tuti con bontà e rispeto. Ledé Romani 12:10, e dopo, parlé sora questo:
Sarà che el omo o la dona i ga de spetar che quelaltro el ghe mostre bontà e rispeto prima? Parché?
FURSI TE GHÈ BELCHE SCOLTÀ: “El nostro matrimònio no l’è pi come una volta.”
Come che te pol mostrar che la Bìblia la pol giutarli?
COSSA CHE TE GHÈ IMPARÀ?
Un omo e una dona i ga de amar e rispetar un al altro e meter in pràtica quel che la Bìblia la dise. Cossita, lori i gavarà un bel matrimònio.
Sito bon de ricordarte?
Cossa che un omo el ga de far par gaver un bel matrimònio?
Cossa che una dona la ga de far par gaver un bel matrimònio?
Se te sì maridà, che consili dela Bìblia i pol giutarte a gaver un matrimònio ancora pi bel?
VUTO SAVER DE PI?
Varda bei consili che i ndarà giutarte a gaver una fameia felice.
Varda el vìdeo che el mostra le benedission che ghemo quando metemo in pràtica i consili de Dio nel matrimònio.
Come che la dona la pol mostrar che la rispeta el so omo?
“Parché le done le ga de rispetar la autorità?” (La Sentinela, 15 de maio de 2010)
Varda cossa che un casal el ga fato par dàrghene fora con bruti problemi nel so matrimònio.