Impara de un bel esémpio

Mostra compassion par tute le persone

Una sorela dela Nova Zelàndia la ga vardà el vìdeo “Tendé un del altro” nel jw.org. Questo vìdeo el mostra che Geovà nò sol el sente compassion par le persone, ma anca el fà qualcossa par giutarle. (Isa. 63:7-9) Alora, questa sorela la ze ndata in serca de maniere de meter in pràtica quel che la gavea imparà. Pi tardi in quel giorno, ela la ze ndata comprar un per de robe che ghe ocorea e la ga catà una dona che la stea par strada. La sorela la ga comprà qualcossa de magnar par quela dona e ghe ga parlà un pochetin sora la Bìblia col foieto El sofrimento ndarà finirse qualche di?

La dona la ga tacà a piander. Ela la ga contà che la era stata slevada come una Testimònia de Geovà, ma la se gavea fermà de servir a Geovà fea tanti ani. E lì in ùltima, la gavea scominsià a pregar che Geovà la giutesse a tornar a lu. Alora, la sorela ghe ga dato una Bìblia e la dona la ga acetà un stùdio dela Bìblia.a

Noantri ghemo de far compagno a Geovà e mostrar compassion par quei dela nostra fameia, par i fradei dela congregassion e anca par altre persone. Podemo mostrar compassion par le persone quando ghe parlemo sora Geovà.