Sfòrsate par ricordarte de versìcoli dela Bìblia

Tuti noantri ghemo versìcoli dela Bìblia che ne piase tanto. Pol esser versìcoli che ne tira su, che ne giuta quando ghemo pensieri o che volemo parlar a qualchedun. (Sal. 119:11, 111) Ma dele volte ne fà fadiga ricordarse, mia vera? Varda arquante robe che le pol giutarne a ricordarse de questi versìcoli.

• Dopera el aplicativo JW Library^®. Quando te sì drio leder la Bìblia, te pol far una marcassion col nome “Testi che me piase tanto” e meterla in tuti i testi che te vol ricordarte. Cossita, sarà pi fàcile catarli quando te ocore.

• Scrivi el versìcolo e metelo nte un posto che te vedi. Te pol scriver el versìcolo nte un papel e picarlo nte un posto che te vardi sempre. Par esémpio, te pol meterlo darente el spècio o in cosina. Te pol anca doperarlo come protession de tela del to telèfono o del to computador.

• Scrivi do nte un carton. Te pol ciapar un carton e scriver nte una banda el nome del libro, el capìtolo e el versìcolo e de quel’altra banda cossa che el versìcolo el dise. Dopo, proa ricordarte cossa el testo el dise o qual che l’è el testo sensa vardar de quela’altra banda del carton.