Mitthenka heeni siri sooreera?

1. Mitthenka heeni sooreera sinkhuma wa Muluku?

Mitthenka sene sooreera tiiya: Muluku onitthuna weera hiyo nihakalaleke. Owo onomaliha itthu sootheene sinnihasula, ni onrowa onivaha ekumi yooreraxa. Muluku oopatthuxa elapo ya vathi ni soothesene sinikhala mweemmo, mwaha wooweera owo onnanisivela. — Mmusome Yeremiya 29:11.

Mapuro otheene, aasareya owali, iretta ni anookhwa. Koma mpaka olelo, khuwaavovo olamulelo onwera omaliha itthu sene seiya. Nave, sookhala mitthenka sooreera, Muluku onotxentxa olamulelo wa atthu ni otthikihera okhala moota itthu saaraya woopatxerani, ni ehanle emara vakhani weera yeereye. Muluku atxentxa vale olamulelo owo, iretta ni woova onoomala. — Mmusome Yesaya 25:8; 33:24; Daniyeli 2:44.

2. Heeni oraaya woontthuneya osuwela mitthenka iya?

Mwaha woowera ohaawa wootepa. Ohaawa nno, onrowa omala nihiku Muluku onrowaawe waanyanya atthu oonanara murima. (Sofoniya 2:3) Enereye salini? Moohipisa. Ninnaroromela mwaha wa itthu sineereya mahikwano. Itthu iya sineereya vano, Biblya aahima weera saamwereya ohalaka vakhaani weera Muluku awiive atthu oonanara murima. — Mmusome 2 Timotheyo 3:1-5.

3. Ti heeni nnerahu nipake?

Onnitthuneya omusoma Biblya. Mene Muluku onnanisivela, owo oonivaha Biblya weera anixuttiheke. Nave Muluku, onnaxuttiha moota wookhalano ekumi yooreera vaananovaava, ni moota woopwanya ekumi yoohimala. Apaale munnatthuna okhalano ekumi yoohimala? Mwatthunaka, mwiilipihereke omusoma Biblya naari atthu akina yookhottiherakani. — Mmusome Miruku 29:25; Apokalise 14:6, 7.