6. Nnakela woowini nakhwavale?

1 ALIPA OOKHWA KHIYAANANO EKUMI

“Anamakhwa khansuwela etthu.” — Koheleti 9:5

Eheeni enereya nakhwa vale?

• Nsalmu 146:3, 4; Koheleti 9:6, 10

  Mutthu akhwavale, khaniwa, khanupuwela, nave khanoona.

• Yohani 11:11-14

  Yesu aalikanxera okhwa ni okona ikhove.

2 YEHOVA KHAAPAKENLE ATTHU WEERA EKHWEEKE

“Nto sowima sa mwiri wosuweliha yorera ni yonanara, hoye, ohitxe sowima saya, niwoko nihiku onrowawe otxa sowima saya, okhwa onimokhwa.” — Ephattuwelo 2:17

Mwaha wa heeni ninkhwaahu?

• Ephattuwelo 3:1-6

  Satana amottotha Heva weera, khiyavo yeera ekhumemele wakhala weera yamuhiya omwiiwelela Muluku. Mwaha wohimwiiwelela Yehova, Adamu ni Heva attheka nave ohoolo waya ahokhwasa.

• Ephattuwelo 3:19

  Adamu akhwaakaru, khiyavo etthu yahanle ni ekumi mwerutthuni mwawe.

• Aroma 5:12

  Yoottheka eri ntoko eretta yowopiha nivanlahu wa asitithihu oopatxera. Nave atthu ootheene niyariwe ni yotthekene yeyo nave yonruhela okhwa.

• 1 Akorinto 15:26

  Biblya onnamuhima nookhwa okhala mwittani.

3 OSUWELA EKHAIKHAI YA NOOKHWA ENNANITAPHULA

“Koma mutthu akhwiyene onotthikela okumi tho? Mahiku othene a ekhotto aka kanweherera mpaka ophiya ehuhu ene yele yomumula.” — Yobi 14:14

Osuwela ekhaikhai ya nookhwa, onnitaphula hayi wa miruku sonanara?

• 1 Yohani 4:8

  Yooxuttiha yowera atthu annahisiwa omooroni eyo eninveha Yehova. Owo khanemerera weera atthu ehaaweke mootene yowo.

• Apokalise 4:11

  Atthu antxipale annawoova alipa okhwa, navetho ennakokhorela yawo omuhiya Yehova. Muluku ekhaikhai Yehova, nimukokoreleke yoworu.