12. Nnaapake hayi onthamwene ni Muluku?

1 ASINTHAMWENE A MULUKU ENNAMWIIWELELA YOOWO

“Mwìwe nsu naka! Vavale miyo kini kikhale Muluku anyu ni nyuwo muni mukhale muloko aka.” — Yeremiya 7:23

Onoowereya opaka onthamwene ni Muluku?

• Ephattuwelo 22:18; Yakobe 2:23

  Abrahamu aakhala nthamwene a Yehova mwaha woweera owo annamwiiwelela ni omuroromela Muluku.

• 2 Sowereya 16:9

  Yehova oolipela weera ommwaakhavihera ale enaamwiiwelela yoowo.

• Nsalmu 25:14; 32:8

  Etthu eri poothe, Yehova onnaasuweliha asinthamwenaawe.

• Nsalmu 55:23 [55:22 NM]

  Yehova onnakhavihera asinthamwenaawe.

2 YOBI AARI NTHAMWENE A MULUKU NAVE THO ANNAMUROROMELA YOOWO

“Vetthwitthuni mwa sowereya iya sothene Yobi khapahunle etthu, anyi khapankiye etthu yonvirikanyiha Muluku.” — Yobi 1:22

Satana aamuhasunle hayi Yobi, nave Yobi apanke heeni?

• Yobi 1:10, 11

  Satana amoothera Yobi eraka weera Yobi ari osivela musurukhu mene khamusivela Muluku.

• Yobi 1:12-19; 2:7

  Yehova aamwaakhulela Satana weera aakuxe itthu sootheene aakhalannaawe Yobi, nave aamuruuhela eretta yamaretta.

• Yobi 27:5

  Yobi khaasuwela mwaha wa heeni ahawaawe, mene naamwi vareene hiiho owo aavirelela okhala oororomeleya.

3 SATANA ONNIIPAKIHA OKHALA NTOKO YEHOVA

“Mutthu onnaleva sothene oraiyeno nthowa na ekum’awe!” — Yobi 2:4

Satana veliveli oneerera hayi onanariha onnthamweenaahu ni Yehova?

• 2 Akorinto 11:14

  Satana onneerera onoototha weera hiyo nihimwiiweleleke Yehova.

• Miruku 24:10

  Owo ooneerera onipakiha okhala ntoko hiyo khanaanono evalore ni Yehova.

• 1 Pedru 5:8

  Satana khakhulumunwe onaasasa.

• Miruku 27:11

  Munvaanyihe Satana ni mwiilipihere okhala ororomeleya, ni mukhale nthamwene Yehova, mene munorormela weera Satana namootha.

4 NIMWIIWELELEKE YEHOVA, NEERA HAAWO NNIMONIHERA WEERA NINNAMUSIVELA

“Khweli osivela wa Muluku ti wú: wera nikhapelele malamulo awe nave ni malamulo awe khanalemela.” — 1 Yohani 5:3

Moota heeni nnerahu nikhale nthamene a Yehova?

• Olaleya 6:5

  Nonihereke nsivelo ni Muluku, neera hiho ononikhavihera okhala owiiwelela.

• Yesaya 48:17, 18

  Nimwiwelele Yehova, mene onokhala mureerelo.

• Olaleya 30:11-14

  Nroromele weera Yehova khahima etthu nihinweeraahu nari okhala woonxupa otthara.

• Afilipi 4:13

  Nipakeke itthu soorera, Yehova ononivaha  ikuru nintthunaahu.