Mukhalelo heeni wooreera wa moota woopaka yoosoma ya Biblya?
Nyuwo munkela ophwanya moonelo wootheene wa moota empakiwaaya yoosoma. Mwamaliha osoma eparte ela, moone EVIIDIYU.
EPARTE YOOPATXERA
Musome iparagrafu, ohela mpuwa makoho ni ekoore yoovirikana (A). Musome tho soolepa sa mBiblyani siri ni masu “mmusome”. (B) Opwaha mwa yeeyo, ti vootthuneya-tho osoma soolepa, mwaha wooweera sinnoonihera ipontu sootthuneya.
EPARTE YAVARIYARI
Vathi va, “Weera muxuttere sintxipale”. Nyuwo munoophwanya nyaha sootthuneya sa yoosoma (C). Ipontu sihelinwe manummeru (D) sinkela othaliha ipontu sootthuneya. Musome soolepa sa mBiblyani, avinyaka mwaakhule makoho ni moone iviidiyu.
Yeele eri yoosoma, munkela ophwanya ekaaxa enthoonyera EVIIDIYU emoha ni soohimwa woohima sa mwaha. Iviidiyu ikina sinhima sooweereya sa ekhaikhai. Ikina ntakihero na itthu sinereya nihuku-ti nihuku.
Muthokorore ifootu ni ni masu alempwale vathi va ifootu (E), muupuwele etthu mwaakelaanyu ohima eparte eneera “Atthu akina aneera” (F).
EPARTE YOOMALIHERA
Mwaamalihaka yoosoma nyuwo munoophwanya “Nyaha sootthuneya” ni “Wuuluula” (G). Mulepe nihuku mmalinhaanyu yoosoma. Va “Mpika” (H) nyuwo munimoona itthu sihimmwale va mpika munreerelaanyu okhalano. Vathi va, “Weera musuwele itthu sintxipale” (I) nyuwo munoophwanya soohimmwa sintxipale wakhala weera munnatthuna oxuttera itthu sa mwaha ola.
Siri mpuwa
|
|
|
|
|
Munaaphwanye hayi soolepa sa mBiblyani?
Biblya okhalanne iliivuru ni ikaratta sookwana 66. Owo okawanyiwe iparte piili: Solempwa sa Eheeberi-Heramaiku (“Watana wakhalayi”) Solempwa sa Egregu ya Makristu (“Watana wa nanano”).
Etthu yoopatxera ophwanyeya nsina na eliivuru ya Biblya (A), Avinyaka enwa ekapiitulu (B), ni eversu naari iversu (C).
Mwa ntakihero, Yohani 17:3 entthuna ohima eliivuru ya Yohani, ekapiitulu 17, eversu 3.