Moota woovarela muteko otthekula ni nyaha sa mBiblyani

Okhuma eyaakha ya 2018 mweeri wa Janeiro, Otthekula ni nyaha sa mBiblyani sinkhala vakaapani va Ekadernu ya vamwerini — Ekumi ni mutekwaahu wa makristau. Nto moota heeni eneeraaya evareliweke muteko?

Evahiwaka impari alipa oosoma: Nyuwo onnatthuneya ovarela muteko nikoho, yoolepa ni muhiyeke nikoho weera mutthikele oxekura ntoko siraya vakaapani. Nto opwaha mwa yeeyo nyuwo koontthuneya otakiha masu yuulumwale ni eviidiyu moonnaanyu moota woopaka otthekula woopatxera. Nyuwo pooti ovarela muteko itthu iri poothe, moota woopatxeriha ni moota woonvara murima muneene vaate ni pooti ovarela muteko itthu ikina. Nyuwo mwatthuna, pooti ovaha ebuukhu eri va ekaaxa sa ikaruma sahu ninvarelahu muteko wa oxuttiha naari ehihimmwale weera nvarihele muteko.

Mwalaleeraka: Mpatxerihe ni nyaha muthanlalanyu weera mmukhavihere mwaneene etthoko. Moona weera sinnamusivela nyaha munuuluma anyu, onnareerela otthikela omuxekura muhoolo mwaya pooti opatxeriha ni yoosoma ya Biblya. Mene nyuwo pooti otxentxa nyaha, ni ovarela muteko ikaruma soohiyana-hiyana. Neereke nyuwo munnavarela muteko ikaruma ni soolepa sinikumiheriwa vamweerini weera mwaakhavihere atthu a muttetthe anyu? Atthu a muttetthe anyu anoonela hayi ikaruma sinikumiheriwa inyowani? Moowiwanana ni itthu muthanlala anyu weera mpatxerihe otthekula ni nyaha sa mBiblyani, etthu yootthuneya ori ‘opaka soothesene wa atthu ootheene, weera mwaavuluxe akina. Vano mpakeke soothesene nthowa na mitthenka sooreera.’ — 1Akor 9:22, 23.