Munvuwihe Yehova nvaraka muteko wa opiyoneiro

Ana a Israeli yaakhalano mathowa mantxipale onvuwiha Yehova. Owo ahakumiha Wiixipitu, ahaavuluxa ootheene mwa anakhotto a Farawo! (Ott 15:1, 2) Ni Yehova onnaareerela murima atthu awe olelo va. Ninkela woonihera hayi weera ninnatthapela sootheene Yehova onnipakelaawe? — Nsal 116:12

Moota woowoonihera eyo, ori onvarela muteko Yehova ntoko piyoneiro ookhavihera naari anthiti. Nyuwo mwanvekela, owo onimoovahani ele murimaanyu oninlelaaya weera muunvarele muteko ntoko piyoneiro. (Af 2:13) Antxipale ampatxera onvarela muteko ntoko namalaleera ookhavihera. Mwa nlikanyiho, nyuwo pooti othanla opaka iwoora 30 naari 50 okhuma nyeeri sa março ni abril ni mweeri yoole mutokweene onxekuraawe miloko. Nyuwo mwasuwela ni onoosivelani ovara ntoko piyoneiro, nyuwo pooti ovara ntoko piyoneiro anthiti. Asinna akina anvara nihuku nootheene aakhalano makattamiho a ekumi ya mapiyoneiro anthiti. (mwb16.07-T epax. 8) Moohihovela, weera mutthu apake eyo ontthuneya wiilipihera weera anvuwihe Yehova. — 1Sow 16:25.

MOONE EVIIDIYU ENEERA AROKORA ARARU ANKHALA OMONGOLIA. AVINYAKA MWAAKHULE MAKOHO ALA:

• 

  Maxupo heeni arokora araru yaraayano ni yaawenraaya opwahihera okhala mapiyoneiro?

• 

  Yaakhenle mareeliho heeni?

• 

  Ekhalakaru mapiyoneiro, itthu heeni ikina yawehereraaya mmutekoni wa ehuhu yootheene?

• 

  Ntakihero naya naatetherenle hayi atthu akina?