Mukosoope onthamwene anyu ni Yehova

Anamoona a Yehova aakhalano eparakha etokotoko. Ntoko makristu, hiyo nooveleela ekumi ahu ni noobatiziwa, nave ninniilipihera okhala asinthamwene a Muluku. Onthamwene owo, onnalipa emaara hiyo nniilipihera ahu omwaattamela Yehova. Owo oopaka etthu yootthuneyaxa, moorweela wa mwanawe, aniwopaka okhala muloko awe. (Yohani 6:44) Muluku onnaiwa mavekelo ahu. — Nsal 34:16 [34:15 NM].

Nnaawere hayi okosoopa onthamwenaahu ni Yehova? Onnatthuneya osepa itthu soonanara yaapankaaya ana a Israeli. Yehova aapaka nivarihano naakhavihera ana a Israeli okhalano onthamwene woothanleya ni yoowo. Mene ana a israeli yaampaka mwaamombe òtotoxiwa enamukokhorela. (Ott 32:7, 8; 1Akor 10:7, 11, 14) Vano hiyo pooti wiikoha: ‘Kimpaka eheeni kaattamelaka opaka etthu yoonanara? Neereke soopaka saka sinnoonihera weera kinnahela mwiitti onthamwene aka ni Yehova?’ Naamusivelaka Tiithi ahu a wiirimu ni murima wootheene, nneereke osepa itthu Yehova oniittawe. — Nsal 97:10.

MOONE EVIIDIYU ENEERA: MUKASOPE ONTHAMWENE ANYU NI YEHOVA (AKOL 3:5). AVINYAKA MPAKE MAKOHO ALA:

• Wiinlela eheeni?

• Mwaha wa heeni nrima ni okokhorela miluku oraaya woonanara?

• Onvarihana hayi oraruwa ni okokhorela miluku?

• Mwaha wa heeni munna orinono miritti sintxipale mmarehereroni ontthuneyaaya wiikosoopa?