MAKHALELO A MAKRISTU
Amiravo — Yehova nthamwene anyu?
Mikhalelo heeni munoonaanyu okhala sootthuneya wa nthamwene? Atthu antxipale anoona weera nthamwene akhaleke ansivelo, oreera murima ni oovaha. Mene Yehova onnapaka itthu sootheene iya. (Ott 34:6; Mit 14:17) Owo onnawiiwani muulumakano munivekeloni. Nto Yehova ontthuna weera mmuleeleke itthu sootheene munuupuwelaanyu. (Nsal 18:20, 36 [18:19, 35 NM]) Owo onimoolevelelani mwamutthekela vale. (1Yoh 1:9) Khakhanle nthamwene ooreera murima ompwaha Yehova!
Nyuwo munoowera okhala nthamwene ooreera vamaithoni va Yehova. Munaawere hayi? Munoowera, mmusomaka Biblya weera mmusuwele nnene Yehova ni mutthekulakano emaara yootheene. (Nsal 62:9, [62:8 NM]; 142:3 [142:2 NM]) Moonihereke weera itthu Yehova onoonaawe okhala sootthuneya, nyuwo tho mooneleke hiiho. Mwa ntakihero, mmuheleke mwiitti Mwanawe, Omwene ni anatiri aamannaawe anrowa weereya muhoolo. Muulumeke itthu sa Yehova ni atthu akina. (Ol 32:3) Nyuwo mwalipiha onthamwenaanyu ni Yehova munokhalano onthamwene woohimala ni yoowo. — Nsal 73:25, 26, 28.
Munrowa opaka eheeni weera mwiivaherere ni mBatiziwe?
Atthu akina a mmulokoni, anrowa wookhaviherani hayi onvarela muteko Yehova?
Wuuluma ni atthu akina itthu sa Yehova, onrowa wookhaviherani hayi olipiha onthamwenaanyu ni Yehova?
Onthamwenaanyu ni Yehova onoowereya okhala wa mahiku ootheene!
Neereke munoophurela etthu muteko munanvarelaanyu Yehova?
Eheeni enoosivelanixa ni Yehova?