Nvirelele ovarela muteko irevista

Okhuma eyaakha ya 2018, irevista sahu sootxentxeya. Nenne nri numeru na erevista nuuluma mwaha mmoha. Irevista sootheene iya sinneerela empari ikaruma sahu sooxuttiha. Mwa yeeyo, iyo sinnavareliwa muteko woolaleera. Ni-tho hiyo pooti okuxa irevista iyo naarowaka othuma etthu naari weetta ekwaha. Hiyo khaninvarela muteko irevista iyo weera nipakihe yoosoma ya Biblya, mene iyo pooti waakhavihera atthu opwaherera omusuwela Muluku.

Mwaatthekulaka ni mutthu, musomeke yoolepa ya mBiblyani ni muulumeke sa irevista munoonaanyu weera sinoomukhavihera wiiwexexa. Mwantakihero, pooti weera owo ookhalano anamwane, ori ooriipiwa murima mwaha weera ookhweliwa naari weera ori ooxupeya. Mwayeeyo nyuwo pooti omweerela ha: “Mahiku ala miyo koosoma mwaha wooreeraxa onuuluma sa etthu yooxumpeni. Pooti owooniherani?” Wakhala weera mutthu owo onnatthuna osuwela sintxipale, mmuthoonyere musaitini mwahu erevista eyo naari mmurumihele eletroniku, pooti mweeraka opatxera otthekulano. Ekhaikhai weera, yootthunaahu khañyene ovaha paahi ibuukhu ni irevista. Mene ibuukhu ni irevista pooti onikhavihera waaphwanya atthu antthuna ovarela muteko ele ansoomaaya. — Miteko 13:48.

2018

2019

2020