Neereke mootoko wuupuwelela orowa Exikola ya anamalaleera a Omwene?

Neereke nyuwo mookhalano iyakha 23 naari 65 ni munvara muteko wa ehuhu yootheene? Ekumaanyu ennawemererani ovara muteko nipuro noothowa anamalaleera? Waakhula mwaariki aani makoho ala, neereke mootoko wuupuwelela orowa Exikola ya anamalaleera a Omwene? Exikola epatxerakaru, anamathelana antxipale, asinna ohithela ni asirokora oohitheliwa aavekela epetisau yoorowa Exikola ya anamalaleera a Omwene. Naamwi vareene hiiho ennatthuneya asinna antxipale oohithela aniivaherera onvarela muteko Yehova. Munvekele Yehova nikhavihero weera mwaatxeerere onvarela wanyu muteko ni omutakiha mwanawe Yesu Kristu. (Nsa 40:9 [40:8 Tradução do Novo Mundo]; Mt 20:28; Aheb 10:7) Avinyaka muupuwele itthu muutthuneyaanyu otxentxa mweekumini mwanyu, ohela mpuwa muteko aanyu ni itthu ikina seera siwootxeeliheni waakhuleliwa.

Milako heeni sihuleñye wa asinna ni asirokora yaarowenle Exikola ya anamalaleera a Omwene? Anaxikola akina yaathanliwa orowa olaleera nipuro nnuulummwaaya nuulumo nikina naari olaleya mapuro oowaattiwa atthu eyo tiiyo musidade. Evinreene ehuhu vakhaaneene, akina yaathanliwa okhala anamaranttela aasitokweene a esirikwitu ni mamissionaariyu a muteko woolaleera. Mupuwele etthu muneeraanyu mpake mmutekoni mwa Yehova ni mukhale ntoko mprofeti Yesaya, yoowo eenre: “Miyo kiri vá, okirume miyo!” — Yes 6:8.

MOONELE EVIIDIYU ENEERA: MAMISSIONAARIYU A MUTEKO WOOLALEERA — ANAMUTEKO OOHEPHA. AVINYAKA, MWAAKHULE MAKOHO ALA:

• 

  Mamissionaariyu anthanliwa moota heeni?

• 

  Muteko heeni wooreera mamissionariyu ampakaaya?

• 

  Mareeliho heeni amphwanyaaya ale anvara muteko ntoko missionaariyu?