Yehova ni Yesu—Anoorowa Onivuluxa

Maxupo heeni munvirihaanyu mahiku oottheene? Nyuwo muhooleli a vatthokoni, murinono miritti sintxipale? Nyuwo munaahuwa anamwane anyu mekhaanyu, muntthuneya ovara muteko vantxipale weera mwatxihe? Nyuwo mmiravo, munviriha maxupo Oxikola? Nyuwo munviriha maxupo a ekumi? Naari munviriha maxupo mwaha woowuluvala? Atthu oottheene hiyo nokhalano maxupo. Asinna antxipale ennaviriha maxupo mantxipale ehuhu emoha. Nto hiyo ni nasuwela weera moohipisa Yehova onoomaliha maxupo oottheene.—2Akor 4:16-18.

Niwehereraka ehuhu eyo ophiya, vannirerela osuwela weera Yehova onnoona maxupo ahu, owo onnahakalala mwaha wa ororomeleya wahu ni oweherera wahu moopixa murima, ohoolo owo ononivaha mareeliho. (Yer 29:11, 12) Yesu onnapwattha mutthu ti mutthu mene hiyo pooti wuupuwela masu uluumaawe yaawo aneera “miyo kiri ni nyuwo”. (Mt 28:20) Nuupuwelelaka moota Yehova onrowaawe onivuluxa muhoolo, nnoromelo nahu nnoolipa nave ninnalakela okhala oovilela.—Arom 8:19-21.

MOONELE EVIIDIYU ENEERA: VANO VANAATTAMELA AYA EPHEYO YUULUPALE, MUTEPEKE OMUUPUWELA YESU!—MAREELIHO A MUHOOLO A OMWENE, AVINYAKA MWAKHULE MAKOHO ALA:

• Atthu emurukunuwelakaru Muluku, eheeni yaakhumelenle?

• Atthu enrowa omwiiwelela Yehova mareeliho heeni enrowaaya waakhela?

• Mareeliho ala, enrowa weereya hayi?

• Mareeliho heeni nyuwo munwehereraanyu waakhela elapo enyowani?