Amiravo—mukhale ootaphuwa ni asitiithi anyu

Ti wootthuneya vantxipale ovaanela mootaphuwa ni asitiithi anyu. Mwaha wa heeni? (Mir 23:26) Mwaha wooweera Yehova ohaavaha asitiithi anyu muritti wowookosoopani nyuwo mmukhalelo ori woothene. (Nsa 127:3, 4) Nto, onrowa okhala wooxupa asitiithi anyu wookhaviherani wakhala weera nyuwo khamwaalenle maxupo anyu naari etthu enoovirani. Pooti weera asitiithi anyu awo ahinta okumana ni maxupo ntoko awo, ni nyuwo pooti oxuttera vantxipale ni yookumanano aya eyo. Mene neereke ti woonanara ovitha itthu ikina munasuwela nyuwo paahi? Hooye, mene mwiikosoope weera muhivithe itthu seiye asitiithi anyu antthuneyaaya osuwela.—Mir 3:32.

Munrowa ovanela hayi ni asitiithi anyu? Mwaasaasere ehuhu yoorerela wa nyuwo ni wa asitiithi anyu tho. Moonaka okhala wooxupa ovaanela ni awo, nyuwo pooti waalepela awo etthu enoovirani. Vano, hayi wakhala weera awo antthuna ovaanela ni nyuwo etthu enwulihani muru? Muupuweleleke weera asitiithi anyu awo antthuna mureerelo anyu ni awo asinthamwene anyu! Wakhala weera munniilipihera waahulela murima anyu asitiithi anyu, eyo enrowa okhala etthu yooreera vaanano va naari vookumini vanyu wootheene!—Mir 4:10-12.

MOONELE EVIIDIYU ENEERA: MMIRAVO—KINROWA OVAANELA HAYI NI ASITIITHAAKA? AVINHAKA MWAAKHULE MAKOHO ALA:

• 

  Ti eheeni Esther ni Partik yoonnaaya weera yannatthuneya otxentxa?

• 

  Etthu heeni nyuwo mukhanlaanyu oxuttera ni ntakihero na Yesu?

• 

  Mwa mukhalelo heeni asitiithi anyu yookosompayani?

• 

  Soolepa heeni sa mBiblyani nyuwo monnaanyu nviidiyuni sinrowa wookhaviherani nyuwo owera ovaanela ni asitiithi anyu?