Neereke nyuwo munnaasa waakhuliwa wa mavekelo anyu?

Mbiblyani waattamo mavekelo yaakhulinwe ni Yehova. Vaavo arumeyi a Muluku yonnaaya moota Yehova iwalaawe maxupo aya ni moota akhavihenraawe, moohihovela nroromelo naya nahaatxeerereya okhala noolipa. Ti vanto varaaya vooreera emaara ninpakaahu nivekelo ohimaka ele hiyo nintthunaahu. Navekela vale ontthuneya oreya maru ni ohula maitho weera niwere woona moota Yehova oneeraawe anaakhule. Muhittiwale weera wakhula wa Yehova pooti okhala woovirikana ni moota hiyo navekenlaahu naari mpaka opwaha mwemmwe navekenlahumo. (2Akor 12:7-9; Aef 3:20) Yehova onnaakhula moota heeni? Aani owo pooti onaakhula moorweela:

• Moonivaha ikuru, mmuupuweloni naari nikhavihero na omunepani weera niwere oviriha maxupo ahu.—Af 4:13

• Onivaha miruku weera nipake soothanla sooreera.—Yak 1:5

• Moonivaha otthuna ni owera ovara muteko.—Af 2:13

• Mwa onivaha nimaaliho vaavo nikhalaahu ooxupeya.—Af 4:6, 7

• Vaavo ninvahiwaahu nikhavihero nihinkhuma mmwaanoni paahi naari nikhavihero na mmuupuweloloni ninvahiwaahu ni atthu akina.—1Yoh 3:17, 18

• Nikhavihero anvahiwaaya atthu ale nahimmaahu munivekeloni mwahu.—Mit 12:5, 11

MOONELE EVIIDIYU ENEERA: NYUWO YEHOVA “MUNNÌWA MAVEKELO AYA”, AVINYAKA MWAAKHULE MAKOHO ALA:

• Wakhala weera maxupo a eretta ennanootxeeliha opaka itthu sahu, moota heeni yooweereya ya munna Takeshi ekhanlaaya yonlipiha?

• Ninkela otthara hayi ntakihero na Takeshi?