MAKHALELO A MAKRSISTU

Neereke mohiireherera weera nvirihe maxupo a othoiwa?

Hiyo khanintikhiniheya vaavo nnoonaahu sooweereya sa mulaponi sitannyeraka othowa itthu ilapo sintxipale. Mwaha wa heeni? Mwaha wooweera ninkhala mahiku oomalihera, Biblya onnanleela weera nihiroromeleke “muhakhu wohilekela.” (1Tim 6:17; 2Tim 3:1) Ntakihero na mwene Yosafati ninnixuttiha eheeni woohima sa wiireherera weera nivirihe maxupo othoiwa?

Emaara Yosafati oopopihiwaawe ni amwiittani awe, owo aamuroromela Yehova. (2Sow 20:9-12) Nave tho Yosafati aahiirehera vahinaakuve; owo aateka icidade ni aahaarehera anakhotto akhomaali. (2Sow 17:1, 2, 12, 13) Hiihaale ntoko Yosafati, hiyo tho nintthuneya omuroromela Yehova ni wiireherera weera niwere oviriha itempu sooxupa.

NINKELA WIIREHERERA HAYI WEERA NIWERE OVIRIHA MAXUPO A OTHOIWA?

Mwiireherere moomunepani: Muxuttereke ohakalalela itthu muraanyuno ni mulipihe omuroromela wanyu Yehova weera owo toowera ni khankela woohiyani woohikhalano etthu ya nihiku ti nihiku. (Mt 6:26; 1Tim 6:8) Muhitupheke malamulo weera nwere oviriha maxupo othoiwa itthu saweerutthuni. (Arom 2:21) Muupuweleke moota muneeraanyu nvireleleke otxa eyootxa yoomunepani wakhala weera khiyaavo energia naari interneti. Mukhaleno iliivuru sahu soowimpirimiriwa ni waawereyaka mbaxari ehinaakuve opatxera maxupo oothowa musuruku.

Mwiireherere weerutthuni: Muhikophekexa ni muhithumeke etthu mwaha wooweera mookhalano musurukhu ehinaaye okhumelela maxupo othoiwa musurukhu. (Mir 22:7) Wawereya vale, mwiiyaathiki eyootxa yoopisa wuntta ni itthu ikina sootthuneya. Atthu akina ennuupuwela weera opaka ewortha ti wooreera weera ewere ovitha musurukhu aya.

MOONELE EVIIDIYU ENEERA: MUNKELA OPAKA EHEENI EHUHU YA ERISA? AVINYAKA MWAAKHULE MAKOHO ALA:

Empari ya eviidiyu “Munkela opaka eheeni ehuhu ya erisa?” ninnamoona Biblya, pasta ootthawano, telefooni ni atthu ooteka.

Mutthu ori poothe a hiyo, etthu heeni ontthuneyaawe opaka ehinaakuve okhumelela erisa?

Your answer

Empari ya eviidiyu “Munkela opaka eheeni ehuhu ya erisa?” Asinna evaraka muteko wookhavihera evaraka mutekoo owooteka ni wookuruxa itthu mukaaroni.

Ninrowa wiireherera hayi weera naakhavihere atthu akina?

Your answer