3-9 A NOVEMBRO
ETXIPO YA ITXIPO 1-2
Etxipo 132 ni Nivekelo | Masu oohulela (emin. 1)
1. Yooweereya emoha ya nsivelo neekhaikhai
(imin. 10)
[Moonihere EVIIDIYU Ohulela eliivuru ya Etxipo ya itxipo.]
Salomoni aamuttottopela vantxipale Sulamita ni anvaha itthu sintxipale sooreera (Etx 1:9-11)
Nsivelo Sulamita aaraaweno ni mukukhuli awe naamukhavihera ovirelela okhala oororomeleya (Etx 2:16, 17; w15-MAC 15/1 epaax. 30 eparag. 9-10)
MIRUKU: Vaavo munrowaanyu osomaka eliivuru ya Etxipo ya itxipo, nwehe “Nyaha Sinthokororiwa” va Tradução do Novo Mundo weera mmusuwele mutthu onuuluma.
2. Othokorora itthu soomunepani
(imin. 10)
Etx 2:7 — Mwaha wa heeni Sulamita oraawe ntakihero nooreera wa makristu ehithenle? (w15-MAC 15/1 epaax. 31 eparag. 11)
Itthu heeni sootthuneya mphwannyaanyu emaara mwaamusomaanyu Biblya esemana ela?
3. Omusoma Biblya
(imin. 4) Etx 2:1-17 (th-MAC 12)
4. Otthekula woopatxera
(imin. 3) EMPA NI EMPA. Muulume ekhaikhai emoha ya ethonyero A ya ebroxura Mwaasiveleke atthu. (lmd yoosoma 1 epontu 3)
5. Munnuwiheraka opwatthela
(imin. 4) EMPA NI EMPA. Muulume ekhaikhai emoha ya ethonyero A ya ebroxura Mwaasiveleke atthu. (lmd yoosoma 9 epontu 3)
6. Mwaapakaka atthareli
(imin. 5) lff yoosoma 18 ohulela ni epontu 1-3 (th-MAC 8)
Etxipo 46
7. ‘Mutthu oovaha anaareelihiwe’
(imin. 15) Mwaha onkela opakiwa ni mutokweene a mmulokoni.
Vaavo ninvarelaahu muteko etempu ahu, ikuru sahu ni itthu sahu weera naakhavihere atthu, nnimwaakhela mareeliho mantxipale. Ekhaikhai weera mutthu onaakhela onnahakalala. Menento mutthu onvaha onnahakalala vantxipale. (Mir 22:9) Owo khaiyene paahi onoohakalala mwaha woomutakiha mpattuxa ahu, mene-tho onnaakhuleliwa ni Yehova. — Mir 19:17; Yak 1:17.
Moonihere EVIIDIYU Ovaha onnakumihera ohakalala. Avinyaka mpake makoho ala:
Moota heeni atthu nviidiyuni yonnaaya ohakalala onkhumelela mwaha wa ovaha wa asinna ni asirokora a elapo yootheene?
Moota heeni awo-tho yonnaaya ohakalala onkhumelela mwaha woovaha ele eraayano?
8. Osommwa wa Biblya mmulokoni
(imin. 30) lfb yoosoma 32-33