Makoho empakiwa ni ale ansoma irevista sahu
Masu ooweera “nyuwo munnàsunka yawo” emphwanyeya va Nsalmu 12:8 [12:7, Tradução do Novo Mundo], neereke enaahima “alipa òpuheriwa” (eversu 6 [5, NM]) naari “masu a Yahvéh” (eversu 7 [6, NM])?
Mwaha ola onoonihera weera eversu ela enaahima atthu.
Nsalmu 12:2-5 [12:1-4, NM], ninsoma ha, “mulipa òttela òmala, anyi, niwoko alipa òroromeleya khanòneya tho variyari va ana Àdamu.” Avinyaka, Nsalmu 12:6-8 [12:5-7, NM], owo onhima ha.
“Nthowa na ohoxiwa wa alipa òpuheriwa,
nthowa na ohihimera wa alipa òhawa,
vano miyo kinovinya, onnèra Yahvéh,
ni kinomwìyathi movuluxiwani yole onatthuna’mo.
Masu a Yahvéh ti masu òhittheka:
epratha yototoxiwa muttukutthani ni yorapihiwa’mo imara ithanu orwa pili mwa ikokhola.
Vano Yahvéh, nyuwo munnàsunka yawo,
ehuhu yothene munahala onàkiha hiyo mwa erukulu si yela.”
Eversu ya 6 [5, NM] enhima weera Muluku onoorowa waavuluxa “alipa òpuheriwa.”
Eversu ya 7 [6, NM] enhima weera “masu a Yahvéh ti masu òhittheka,” “epratha yototoxiwa muttukutthani.” Aani, ootheene hiyo ninniisoonela hiiho moovarihana ni masu a Muluku. — Nsal. 18:31 [18:30, NM]; 119:140.
Vano nwehe ele enhimaaya Nsalmu 12:8 [12:7, NM]: “Vano Yahvéh, nyuwo munnàsunka yawo, ehuhu yothene munahala [owàkiha yawo] mwa erukulu si yela.” Enaahima taani masu ooweera “yawo”?
Okhala weera eversu ya 8 [7, NM] enwa noomala eversu enhima “masu a Yahvéh,” atthu akina enoona weera apaale Muluku ‘onnasuka masu awe.’ Ekhaikhai weera Muluku ookosoopa masu awe, ori Biblya nnaamweera amwiittani awe yeerera omunyaanya ni okhoottiha weera apakiwe. — Yes. 40:8; 1 Ped. 1:25.
Nave-tho eversu ya 6 [5, NM] enhima ekhaikhai. Yehova ohaakhavihera ni onoovirelela waakhavihera “ohoxiwa” ni “alipa òpuheriwa.” — Yobi 36:15; Nsal. 6:5 [6:4, NM]; 31:1, 2; 54:9 [54:7, NM]; 145:20.
Vanonto enaahima taani masu ooweera “munnàsunka yawo” eri va eversu ya 8 [7, NM]?
Emaara nimphimelelaahu nsalmu nna, onnooneya weera masu ooweera “yawo” enhimmwa atthu.
Masu oopatxera a Nsalmu 12:2 [12:1, NM] Davidi onnuuluma woohima sa “alipa òroromeleya” a Yehova yaawokinwe ni atthu oonanara. Eversu ya 3 [2, NM] ninnasoma weera Yehova onimwaathoriha ale enuuluma soowootha. Hiyo pooti ororomela weera Yehova onoopaka eyo, mwaha wooweera mwaha wooweera eversu ya 7 [6, NM] ehimme weera masu a Yehova teekhaikhai.
Eversu ya 8 [7, NM] enhima weera Yehova onimwaasuka ni waakosoopa “yawo” naari neere, ale empuheriwa ni atthu oonanara.
Masu ooweera “yawo” eri va eversu 8 [7, NM], aavareliwa muteko ikwaha sintxipale ni soolempwa soororomeleya sa Eheberi. Masu oopatxera a eversu ela etaphulelinwe ni Egregu, aavarela muteko masu ooweera “hiyo” imaara piili, yooniheraka weera eversu ela enaahima alipa oororomeleya a Muluku enhaaxiwa. Masu oomalihera a eversu ya 8 [7, NM] ehimme weera “yawo” entthuna ohima weera, alipa oororomeleya, enahala okosoopiwa ‘mwa muloko wa atthu’ onkumihera itthu soonanara. (Nsal. 12:8, 9 [12:7, 8, NM]) Otaphuleliwa wa soolepa sa Eheberi ni nuulumo na Aramaico, eversu ya 8 [7, NM], ehimme ha: ‘Nyuwo munimwaakosoopa alipa oororomeleya, nyuwo munimwaasuka wa muloko ola woonanara wa mahiku ootheene.’ Sootaphulela iya sinnoonihera nnene sene weera Nsalmu 12:8 [12:7, NM] khaninhima masu a Muluku.
Nsalmu nna ninnoonihera weera Muluku onoopakavo etthu weera aavuluxe “alipa òroromeleya.”