Mwaasaaseke nipuro nooreera

Neereke nyuwo munnatthuna ottottela mureerelo yoosoma anyu a omeekha? Nyuwo pooti weerera otthara miruku iya weera mwaasaaseke nipuro nooreera emaara munsomaanyu.

• Muthanle nipuro nooreera. Wakhala woowereya, muthanle nipuro noorehereya ni munkelaanyu oweraka woona nnene. Nyuwo pooti okilathi vakaterani eri ohoolo wa emeesa, naari nyuwo pooti othanla nipuro noomaaleleya na vaate.

• Muthanle nipuro munrowaanyu okhala meekhaanyu. Yesu aathanla opaka nivekolo ‘oxeexelo’ nipuro ‘noomaaleleya.’ (Mar. 1:35) Wakhala weera nyuwo khamunwera ophwanya nipuro noomaaleleya, nyuwo pooti waaleela amusi anyu naari atthu munkhalaanyuno woohima sa ewoora munsomaanyu ni waavekela weera yoonihereke nttittimiho.

• Musepeke itthu soowaakanyera. Wakhala weera nyuwo munanvarihela muteko telefooni naari tablethi emaara mumpakaanyu yoosoma, mmuheleke va silensiyuni naari mmuheleke modo voo weera musepe soowaakanyera. Ni wakhala weera nyuwo munnuupuwela etthu nyuwo muntthuneyaanyu opaka, mulepe moowaakuveya weera mpake etthu eyo emaara ekina. Wakhala weera nyuwo khamunwera wuupuwela nnene, mweemexere vakhaaniini ni mweette vakhaani naari mwiisookole.