YOOSOMA 55

Mukhavihereke muloko anyu

Itthu Simpirimiriwe

Elapo yootheene, atthu antxipale annanvarela muteko Yehova mmilokoni mwaya. Atthu awo, annahela mwiitti miruku anvahiwaaya sookhavihera muloko aya ni annatthuna okhavihera. Neereke ti hiiho munoonelaanyu woohima sa muloko anyu?

1. Moota heeni nyuwo muneeraanyu nvareleke muteko ehuhu anyu ni ikuru sanyu weera mukhavihere muloko?

Atthu ootheene anoowera okhavihera mmulokoni. Mwa ntakihero, neereke nyuwo munoowera onvirela munna naari murokora oowuuluvala mwarowaka omithukumanoni? Naari nyuwo pooti waakhavihera atthu akina ni itthu ikina ntoko waakhavihera othuma itthu naari waarehererela owannyaya. (Mmusome Yakobe 1:27.) Nave-tho, hiyo pooti wiivaherera weera nakhavihere oreherera Empa ya Omwene. Khaavo onnyesereriwa ovara muteko owo. Muteko owo nimpaka mwaha wa nsivelo nikhalannaahu ni Muluku ahu Yehova vamoha ni asinna. Nto etthu eyo, tenneeriha ‘wivaherera okhavihera moohinyesereriwa.’—Nsalmu 110:3.

Anamoona a Yehova ooBatiziwa, pooti okhavihera mmulokoni mmakhalelo oovirikana. Mwa ntakihero, asinna pooti wiilipihera weera ekhale arumeyi oorumela ni asitokweene a mmulokoni. Asinna vamoha ni asirokora pooti-tho okhavihera muteko woolaleera ekhalaka mapioneiru. Anamoona a Yehova akina annawera okhavihera mapuro antekiwa impa sa Omwene weera akokhoreliwe Yehova. Akina annawera othaamela mapuro yaawo siri miloko sintthuneya nikhavihero.

2. Moota heeni nneeraahu nivareleke muteko itthu nikhalannaahu sa weerutthuni weera nikhavihere muloko?

Hiyo-tho, pooti ‘omuttittimiha Yehova ni sooreera sahu.’ (Miruku 3:9) Nto, hiyo ninnoona okhala eparakha etokweene ovaha idonativu weera nikhavihere muloko ni muteko woolaleera elapo yootheene. (Mmusome 2 Akorinto 9:7.) Soovaha sahu-tho, sinnavareliwa muteko weera ekhaviheriwe atthu oohaawa. Atthu akina annathanla “opaka ekoofiri”, naari neere, osuka musurukhu isemana sootheene naari miyeri sootheene, weera evahe idonativu. (Mmusome 1 Akorinto 16:2.) Hiyo tho, pooti ovaha idonativu va ekaaxa envahiwa idonativu Empa ya Omwene naari va saitini donate.jw.org. Moota ninvarelaahu muteko itthu sahu sinnanivaha iparakha soomoonihera nsivelo Yehova.

WEERA MUXUTTERE SINTXIPALER

Moone moota mukina wookhavihera mmulokoni.

3. Mukhavihere muloko anyu ni idonativu sanyu

Yehova ni Yesu annamusivela ole onvaha ni murima wootheene. Mwa ntakihero, emaara Yesu amonnaawe naamukhweli avahaka idonativu. Mmusome Luka 21:1-4. Avinyaka mutthekule ni ipontu sinttharelana:

Neereke ontthuneya ovaha musurukhu muntxipale weera nimuhakalalihe Yehova?
Yehova ni Yesu anoonela moota heeni naavahaka ni murima wootheene?

Weera musuwele woohima sa moota idonativu sinvareliwaaya muteko, moone EVIIDIYU. Avinyaka mutthekule ni epontu enttharelana.

EVIIDIYU: ‘Omurerela murima Yehova’ (4:47)

Idonativu sinvareliwa muteko moota heeni weera sikhavihere miloko elapo yootheene?

Murokora mmoha owuluvala ohela musurukhu mwa ekaxa ya idonativo.

4. Niivaherereke weera nikhavihere

Arumeyi akhalayi a Yehova yanikosoopa nipuro yavarihelaya muteko weera emukokhorele Yehova. Weera eyo yeereye watthuneya musurukhu. Mmusome 2 Sowereya 34:9-11. Avinyaka mutthekule ni epontu enttharelana:

Ana a israeli yaakhavihera moota heeni weera ereheriwe epewe [etemplo]?

Weera moone moota Anamoona a Yehova anttharaaya ntakihero na mBiblyani moone EVIIDIYU. Avinyaka mutthekule ni ipontu sinttharelana.

EVIIDIYU: Mukosoopeke nnene Empaanyu ya Omwene (3:31)

Itthu sa nviidiyuni ‘Murehereke neene empa ya Omwene.’ Asilopwana, asithiyana ni anamwane arehereraka empa ya Omwene.

Mwaha wa heeni oraaya wootthuneya orehera ni orattela Empa ya Omwene?
Nyuwo munkela okhavihera moota heeni?

Egrupo ya anamoona a Yehova ekhaviheraka muteko wooteka empa ya Omwene.

5. Wakhala weera nyuwo munna, pooti wilipihera weera mukhavihere muloko

Biblya onnaalipihera asilopwana akristu weera yiilipihereke okhavihera muloko. Weera moone ntakihero, moone EVIIDIYU. Avinyaka mutthekule ni epontu enttharelana.

EVIIDIYU: Asinna—mwiilipihere onvarela muteko Yehova (5:19)

Nviidiyuni, Ryan apanke eheeni weera akhavihere muloko?

Biblya onnahima mikhalelo sooreera mutthu ontthuneyaawe okhalano weera akhale ntoko mutokwene naari murumeyi oorumeela. Mmusome 1 Timotheyo 3:1-13. Avinyaka mutthekule ni ipontu sinttharelana:

Mikhalelo heeni munna ontthuneyaawe okhalano weera akhale murumeyi oorumeela naari mutokweene?
Mikhalelo heeni etthoko awe antthuneyaaya okhalano?—Moone eversu 4 ni 11.
Emaara yeeyo munna oniilipiheraawe weera akhaleno mikhalelo iya, eyo ennaalipiha atthu otheene a mmulokoni.

Mmiravo mmoha akakhaka ekadera ya maroda ya munna mmoha owuluvala emaara yeeyo anlaleyaaya empa-nimpa.

WAKHALA WEERA MUTTHU OHOOKOHANI: “Onkhuma woowi musurukhu Anamoona a Yehova anvarelaaya muteko?”

Mwakela wakhula hayi?

NYAHA SOOTTHUNEYA

Yehova onnahela mwiitti wiilipihera wahu weera nikhavihere muloko nivarelaka muteko ehuhu ahu, ikuru sahu ni itthu sahu sa weerutthuni.

Wuuluula

Moota heeni nyuwo muneeraanyu nvareleke muteko ehuhu anyu ni ikuru sanyu weera mukhavihere muloko?
Moota heeni nneeraahu nivareleke muteko itthu sahu sa weerutthuni weera nikhavihere muloko?
Moota heeni muneeraanyu mukhavihere muloko?

Yoosoma ela kimalinhe nihuku na:

Mpika

Okhavihera oreherera Impa sa Omwene sa muloko anyu.

Ekina:

Your other goal

WEERA MUSUWELE ITTHU SINTXIPALE

Moone mwaha wa heeni Muluku ohinvekelaawe mahukwaano edizimu.

“Biblya onhima eheeni woohima sa edizimu?” (Mwaha va jw.org)

Moone eheeni entaphulelaaya “wiilipihera” weera mukhaleno iparakha mmulokoni.

“Nyuwo munnaasaasera ‘okwanihera iparakha’ sanyu?” (A Sentinela, Fevereiro a 2021)

Mwaasuwele Anamoona a Yehova oolipa murima yaawo yiivaherenre weera yaaphwanyihe iliivuru asinna.

Iliivuru sa mBiblyani sinnaphiya mapuro oorakamela oCongo (4:25)

Moovirikana ni ittiini ikina, moota heeni ninkosoopaahu itthu sa miteko sahu?

“Onkhuma woowi musurukhu onvareliwa muteko wa Anamoona a Yehova?” (Mwaha va jw.org)