Moonihereke weera munnaapwattha atthu

Etthu Yesu aapankaawe

EVIIDIYU: Yesu ni muthiyana oSamariya

1. Moone EVIIDIYU, naari mmusome Yohani 4:6-9. Avinyaka mwaakhule makoho enttharelana:

1. Yesu ahinaaye opatxera otthekula ni muthiyana ole, etthu heeni Yesu onnaawe?

2. Yesu enre: ‘Mukivahe maahi oowura.’ Opatxera wawe Yesu otthekula avekaka maahi, heeni waaraaya wooreera?

Ntakihero na Yesu ninnixuttiha eheeni?

2. Otthekula wahu ni mutthu pooti okhala wooreera wakhala weera nnuuluma mwaha mutthu owo ontthunaawe osuwela.

Mutthareke ntakihero na Yesu

3. Mukhaleke oowiisaakuviha. Mwaapatxerihaka otthekula vale, muhinyeserereke wuuluma paahi mwaha mwaareherenraanyu owaani. Opwaha mwa yeeyo, mpatxeriheke otthekula ni mutthu nvarelaka muteko etthu enuulummwaxa ni atthu. Mwiikoheke ha:

1. ‘Etthu heeni yeereñye viinaano va?’

2. ‘Etthu heeni anamwaattamanani aka, asinkhwaaka oomutekoni naari ooxikola enuulumaayaxa?’

4. Mukhaleke ooweha-weha. Mwiikoheke ha:

1. ‘Mutthu ola ompaka eheeni? Ola onuupuwela eheeni?’

2. ‘Soowara sa mutthu ola, makhalelo awe naari empaawe, enoonihera eheeni woohima sa soororomela naari sookhovelela sawe?’

3. ‘Neereke ela etempu yooreera weera kitthekule ni mutthu ola?’

5. Mukhale oowiiwelela.

1. Muhuulumeke vantxipale.

2. Munvaheke mutthu owo etempu weera uulumeke. Vaawereyaka, mumpakeleke makoho.