Mukhavihere ni ehuhu anyu ni ikuru sanyu

Mareherero a Yehova ahatxerereya mahiku ala oomalihera, ntoko aahimmaawe profeta Yesaya weera yamweereya. (Yes 54:2) Eyo entaphulela weera Impa sa Omwene sintxipale, Impa sa Assembeleya ni iBetheli sintthuneya opakiwa. Ohiya eyo, Impa iyo sintthuneya orehereriwa. Vano ninrowa okhavihera hayi mareherero a Yehova niikuru sahu ni ehuhu ahu? Hiyo nnowera . . .

• Nikhaviheraka egrupu ahu yathanliwa ovela Empa ya Omwene.

• Niivahereraka weera nxuttihiwe oreherera Impa sa Omwene.

• Nvekele epetisawu ya wiivaherera ya edepartamentu ahu yooteka Impa sa Omwene (DC-50). Weera mukhavihere oteka Impa sa Omwene ni oreherera mapuro munkhalaanyu.

• Nvekele epetisawu ya wiivaherera muteko ahu (A-19) weera mukhavihereke esemana emoha naari vantxipale oBetheli ni ipreediyu sinvareliwa muteko oBetheli.

MOONE EVIIDIYU ENEERA: EPROJETO ESYA YA MUTEKO WOOTEKA ENNIROWA VAHOOLO — EVIIDIYU YAAMUKHANI. AVINYAKA MWAAKHULE MAKOHO ALA:

• Okhuma iyakha samuttuli mpaka olelo, saatxeerereyale hayi opakiwa ni ovareliwa muteko iviidiyu?

• Weera nipwaherere opaka iviidiyu, muteko heeni onkela vahoolo? Vano muteko owo ompatxera liini ni ommala liini?

• Moota heeni ale aniivaherera eneeraaya evareliwe muteko ene yoola?

• Mwaha wa heeni varaya vootthuneya ovekela Epetisawu (DC-50) ni opatxera okhavihera mapuro munkhalaanyu weera nwere okhavihera oteka Impa sa Omwene simpakiwa oRamapo?

• Eheeni enanroromeliha weera Yehova onnahoolela muteko ola?

• Pooti nihiweeraka okhavihera muteko ola mwaha wa itthu sinnikhumelela naari nihikhalaka wattamela oBetheli ya wEstados Unidos, murowa okhavihera hayi muteko ene yoola?