Mukhaleno nsivelo vatthokoni vanyu

Okhala nsivelo vatthokoni etthu yootthuneya. Nsivelo ninkhala ntoko ekoola, enlupaanya etthoko. Naahikhala nsivelo vatthokoni ti vooxupa etthoko okhala vamoha ni okhaviherana mukina ni mukhwaawe. Alopwana oothela, asithiyana ootheliwa ni asitiithi enkela woonihera hayi nsivelo vatthokoni?

Mulopwana oothela orino nsivelo, onnapwattha sootthuna ni soowuupuwela saamwariye. Nave-tho owo, onnavarihela muteko miruku saamwarawe. (Aef 5:28, 29) Owo onnakasoopa sootthuneya sa etthoko awe mwa itthu sa weerutthuni ni soomunepani. Ni isemana sootheene onnapaka yookokhorela ya vatthokoni. (1Tim 5:8 NM) Muthiyana ootheliwa ansivelo, onnamwiiwelela iyawe. Nave-tho onnamoonihera iyawe “nttittimiho nookhuma vathi va murima.” (Aef 5:22, 33; 1Ped 3:1-6) Mulopwana ni muthiyana ennatthuneya wiilipihera weera elevelelaneke mukina ni mukwaawe. (Aef 4:32) Asitiithi a nsivelo ennaaxuttiha anamwane aya omusivela Yehova. Nave-tho awo, enaakasoopa nnene anamwane aya. (Ol 6:6, 7; Aef 6:4) Mwa ntakihero: maxupo heeni enkumanaayano oxikola? Anwera hayi oviriha maxupo onyesererihiwa opaka etthu yoonanara? Nsivelo neerelaka empari ya emusi, ootheene awo annisoona okhala oovareleleya ni oohakalala.

MOONELE EVIIDIYU ENEERA: VATTHOKONI, MOONIHERE NSIVELO NIHIMMALA. AVINYAKA MPAKE MAKOHO ALA:

• 

  Mulopwana ansivelo, ontthuneya waakosoopa hayi amwaarawe?

• 

  Muthiyana ansivelo, onamoonihera hayi iyawe nttittimiho nookhuma vathi va murima?

• 

  Asitiithi ansivelo entthuneya opaka eheeni weera yaaxuttihe anamwane aya voohima sa Yehova?