Nvareke murima

Omwiiwelela Yehova onkhuma va murimani. (Mir 3:1) Mwa yeeyo, naaxuttihaka nintthuneya wiilipihera weera nivare murima wa ale aniiwa. Moota heeni?

Ohiya paahi omuxuttiha namasoma anyu ikhaikhai sa mBiblyani, mene nyuwo mmukhavihereke weera avareleke muteko mweekumini mwawe iye onxutteraawe ni weera akhaleno onthamwene ni Yehova. Mmukhavihere woona weera malamulo a Muluku anoonihera nsivelo, okhapelela ni exariya. Mumpakeleke makoho weera mmukhavihere otthokelela ele onxutteraawe. Mmukhavihereke otthokelela mareeliho mutthu ophwanyaawe ahiya opaka itthu soonanara. Nyuwo moonaka nsivelo naxikolaanyu onrowaawe wooniheraka wa Yehova, ohakalala wanyu oneereke waatxeerereya.

MOONELE EVIIDIYU ENEERA: MUHAKALALEKE MWAAPAKAKA ATTHARELI-MUREHEREREKE MIKHALELO SANYU—NVAREKE MURIMA, AVINYAKA MWAAKHULE MAKOHO ALA:

• 

  Heeni Sara ahalaka omukoha Jade: “Nyuwo muhuupuwela nnenesene ele nuulummaahu Segunda-Feira?”

• 

  Sara amukhavihenre hayi Jade woona ovarihana waya malamulo a mBiblyani ni nsivelo Yehova ommooniheraawe owo?

• 

  Sara amukhavihenre hayi Jade moota owo onrowaawe woonihera nsivelo nawe wa Muluku?