Nyuwo munnanvarela muteko nnene Biblya oogravariwa?

Biblya oogravariwa ti eheeni? Biblya oogravariwa Tradução do Novo Mundo Revisada. Owo oneera otaphuleliwaka vakhani-vakhani muulumo oovirikana. Mukhalelo mmoha wa Biblya ola oogravariwa, ori wooweera owo onnavarihela nsu noovirikana ni atthu oovirikana. Weera akumihere mitthenka seekhaikhai, masu ennasommwa moottittimiheya ni moovara murima.

Atthu enanvarela muteko Biblya oogravariwa enoonela hayi? Atthu emmwiiwelela ikwaha sintxipale Biblya oogravariwa onnaasivela moota owo oniiwanyeihaawe masu a Muluku. Awo anoona weera, wiiwa masu oovirikana vaavo anuulumaaya atthu oovirikana enromoliwa mBiblyani onnaakhavihera wiiwexexa ele elempwale. (Mir 4:5) Atthu antxipale ahoonelela weera omwiiwa Biblya oogravariwa onnaakhavihera okhala oomaala yaaxupeyaka vale.—Nsa 94:19.

Omwiiwelela Biblya oogravariwa moowiiwanyeya onoonikhavihera mweekumini mwahu. (2Sow 34:19-21) Wakhala weera Biblya oogravariwa ootaphuleliwa ootheene naari eparte emoha ya nuulumo nenno muniiwaanyu, munoonela hayi omwiiwelela mahiku ootheene?

MOONELE EVIIDIYU YA BIBLYA OOGRAVARIWA—EMPARI. AVINYAKA MWAAKHULE NIKOHO NNA:

Etthu heeni enoovaranixa murima wa Biblya oogravariwa?