Nikhavihero Woohima Sa Moota Woosoma
Moota heeni woovarela muteko eparte eneera “Itthu inyowani”?
Eparte ya “Itthu inyowani” va JW Library® ni esite jw.org sinoonihera nyaha ni iviidiyu ikumiherinwe viinaano. Moota heeni nyuwo munkelaanyu ovarihela muteko eparte ela weera musuweleke itthu ikumiherinwe viinaano?
JW Library
Mwaha wakhuma nipuro nneera “Itthu inyowani” eyo entthuna ohima weera mwaha munyowani onvarihana ni nipuro nene nenne wookumiheriwa. Mwabaxari vale mwaha okumiherinwe viinaano, nyuwo munoowera osoma mwaha okumiherinwe viinaano. Mwaha owo onkela okhala woopatxerani wa elista yeeyo enrehereiwa moovarihana ni edaata.
Woohima sa iliivuru soowaatta ipaaxina ntoko irevista, apaale nyuwo khamunrowa owera osoma nyaha sootheene ekwaha emoha. Vano nyuwo munkela wuupuwelela hayi iliivuru heeni nyuwo muhimalinhaanyu osoma? Nyuwo pooti ohela iliivuru iyo muhimalinhaanyu osoma nipuro nneera itthu sookisivela [lista de Favoritos].
JW.ORG
Soohimmwa, sinkumiheriwa paahi va site jw.org, ohiya va aplikativu JW Library. Ti vanto, nyuwo ontthuneyaaya owehaka veeli-veeli eparte ya “Itthu inyowani” yeeyo eri epaaxina yoopatxera ya esite.