NIKHAVIHERO NA MOOTA WOOSOMA

Muttottele mureerelo ni ifootu

Irevista sahu sookhalano ifootu seiyo sinnixuttiha ipontu sootthuneya. Moota heeni nyuwo munrowaanyu ottottela mureerelo ifootu iyo?

• Muhaakunveene osoma mwaha, nweheke toko ifootu. Ifootu pooti woovahani ntthuno noosoma mwaha owo. Hiihaale ntoko eneereyaaya ni yootxa yoosiva, maitho tempatxera “oweha” toko. Nto mwiikoheke ha, ‘Eheeni kinoonaaka?’ — Am. 7:7, 8.

• Vaavo munsomaanyu mwaha, muupuwelele mathowa heeni yeerinhe othanleliwa efootu eyo. Musomeke masu eri va efootu, wakhala weera masu awo aakhalavo. Nweheke moota efootu eyo envarihanaaya ni mwaha ni mooneke etthu enooxuttihaayani efootu eyo.

• Mwasoma vale, nvariheleke muteko ifootu weera muupuwelele ipontu sootthuneya sa mwaha owo. Mweerereke wuupuwelela ifootu iyo ni etthu enooxuttihaayani yeele eri efootu.

• Munoonela hayi oweha veeli ifootu sa erevista ene yeela weera moone wakhala weera munnawera wuupuwelela etthu enxuttihaaya?