Mureherere murima anyu

Emaara nimmusomaahu Biblya, nintthuna weera miyuupuwelo sa Yehova sivareke murima ahu. Ezra oohiya ntakihero nooreera na etthu nintthuneyaahu opaka emaara ‘ninsomaahu ikano sa Yehova.’ (Ezra 7:10) Ninrowa oreherera hayi murima ahu?

Nvekeleke. Muhinaaye opatxera osoma, muulumeke ni Yehova. Munvekeleke Yehova weera ookhavihereni wiiwexexa ni ovarihela muteko etthu munrowaanyu osoma. — Nsal. 119:18, 34.

Mukhaleke oowiiyeviha. Yehova khonwoonihera ikhaikhai sa mBiblyani atthu oowiisunnuwiha yaawo enuupuwela weera khenhaawela nikhavihero. (Luka 10:21) Khontthuneya osoma naari opaka ipeskisa ni yoolakela yootikhiniwa ni atthu akina. Nyuwo mwasoma vale, avinyaka munoonelela weera yookhala etthu muntthuneyaanyu otxentxa mweekumini mwanyu, mukhaleke oowiiyeviha ni mpakeke matxentxo ootthuneya.

Mwiiweleleke itxipo sahu. Etxipo, yookhalano owera wootxentxa miyuupuwelo sahu ni wiireherera weera nimukokhorele Yehova. Wiiwelela etxipo emoha muhinaaye opatxera osoma, pooti wookhaviherani onwehexexa Yehova ni ohula murima anyu wa etthu munrowaanyu osoma.