Voohilekela, Yehova onkela ovarihela muteko Omwene awe, weera amalihe maxupo ahu ootheene. Mitthenka iya, ti sootepa oreera atthu ootheene antthuneyaaya wiiwa. Yesu aahimme weera mitthenka iya elaleeriwe atthu ootheene! (Matheyo 28:19, 20) Moota heeni Anamoona a Yehova ampakaaya eyo Yesu aavekenlaawe?

1. Moota heeni yoolepa ya Matheyo 24:14 enkwanelaaya olelo va?

Yesu enre: “Vano evanjelyo ela ya omwene enelaleiwe elapo yothene. (Matheyo 24:14) Anamoona a Yehova annahakalalela ovara muteko ola, wootepa ontthuneyaxa. Hiyo nri Anamoona a Yehova ninnalaleya mitthenka sooreera elapo yootheene ni muulumo anipwaha 1.000! Muteko ola wootepa otthuneyaxa ontthuneya wiilipihera vantxipale ni wiireherera. Nahaakhanle nikavihero na Yehova muteko ola khawaawereya opaka.

2. Nniilipihera moota heeni weera naalaleere atthu mitthenka sooreera?

Yootthunaahu eri waalaleera atthu ootheene, nihipwatthaka mapuro ankhalaaya. Ntoko makristu akhalayi, hiyo ninnalaleya “mmawani”. (Miteko 5:42) Mwa yeeyo, ninniwera wuuluma ni atthu antxipale iyaakha sootheene. Naamwi atthu antxipale ehiphwanyaneyaka mmawaani, ninnalaleera tho mapuro oowaattiwa. Hiyo ninvira niwaasaka atthu weera naaleele sa Yehova ni yootthunaawe.

3. Taani orino muritti woolaleya mitthenka sooreera?

Makristu ootheene aakhalano muritti woowaalaleera mitthenka sooreera atthu akina. Hiyo ninnihela mwiitti muritti ola. Ootheene ahu, ninniilipihera ovara muteko ola. Mwaha wooweera ikumi siri soowoopopiheya sene. (Mmusome 1 Timotheyo 4:16.) Naapakaka eyo khannaakhela musurukhu naari khannaakhela etthu, mwaha wooweera Biblya enre: “Mwàkhenlanyu mahalene, nvahe tho mahalene.” (Matheyo 10:7, 8) Mene khaiyono weera atthu ootheene anooniiwelela. Nto hiyo khaniihiya olaleera mwaha wooweera nintthuna omwiiwelela Yehova ni omuhakalaliha.

WEERA MUXUTTERE SINTXIPALE

4. Ninniilipihera vantxipale waalaleera atthu ootheene

EVIIDIYU: Olalaleera “mapuro ootheene a elapo” (7:33)

• Nyuwo munoona hayi itthu sootheene Anamoona a Yehova ampakaaya etthunaka olaleya?

Mmusome Matheyo 22:39 ni Aroma 10:13-15. Avinyaka mutthekule ni ipontu sinttharelana:

• Muteko ahu woolaleera onoonihera hayi weera ninnaasivela atthu?

• Yehova onwoonela hayi ale anlaleera mitthenka sooreera?—Moone eversu 15.

5. Hiyo ninvara vamoha ni Muluku eekhaikhai

Sookhala itthu sintxipale sinnoonihera weera Yehova tonkhavihera muteko ola. Moone ele yaakhumelenle oNova Zelândia ni munna oneeriwa Paul. Nihuku nimoha oxekuwa, vaavo aalaleyaawe mmawaani, owo amphwanya muthiyana mmoha yoowo anvekenle Muluku oxexelo nihuku nne. Avarelaka muteko nsina na Yehova, owo aavekela weera mutthu mukina aawiiye owannyawe. Paul onnathaliha: “Sivinrene iwoora tthaaru (3), kaamana mulako wa muthiyana ole.”

Mmusome 1 Akorinto 3:9. Avinyaka mutthekule ni epontu enttharelana:

• Sookumanano ntoko iya, sinnoonihera hayi weera Yehova tonhoolela muteko ola?

Musome Miteko 1:8. Avinyaka mutthekule ni epontu enttharelana:

• Mwaha wa heeni nintthunaahu nikhavihero na Yehova weera nivare muteko woolaleera?

Nyuwo mwaasuwela?

Isemana sootheene, mmithukumanoni mwahu sa eriyari ya esemana, ninnaxuttihiwa moota woolaleera. Nyuwo mootoko ophwanyaneya mmithukumanoni ntoko seiya? Moonenle hayi iye ninxutteraahu?

6. Ninniiwelela nlamulo Muluku onivanhaawe

Ehuhu ya arumeyi, atthu akina yaaheerera waakhoottihera arumeyi a Yesu olaleera. Mene makristu yaahaakihera muteko ola ‘yiilipiheraka olaleera mitthenka sooreera’. (Afilipi 1:7) Anamoona a Yehova annipaka etthu emoharu olelo va.a

EVIIDIYU: Woolaleera ni moowiilipihera mitthenka sooreera (2:28)

Musome Miteko 5:27-42. Avinyaka mutthekule ni epontu enttharelana:

• Mwaha wa heeni nneeraahu nihihiye olaleera?—Moone tho eversu 29, 38 ni 39.

NYAHA SOOTTHUNEYA

Yesu aahaaleela atthareli awe weera elaleye mitthenka sooreera elapo yootheene. Yehova onnaakhavihera atthu awe opaka muteko owo.

Wuuluula

• Moota heeni mitthenka sooreera sinlaleiwaaya elapo yootheene?

• Moota heeni muteko ahu woolaleera onooniheraaya weera ninnaasivela atthu?

• Nyuwo munoona weera mitthenka sooreera ninlaleyaahu sinnaruhela ohakalala? Mwaha wa heeni?

WEERA MUSUWELE ITTHU SINTXIPALE

Nwehe moota Anamoona a Yehova anlaleyaaya icidade itokweene.

Muteko woothanleya wolaleera mapuro oowattiwa atthu oParis (5:11)

Eheeni Anamoona a Yehova ampakaaya weera yaakhavihere atthu antthawa?

Yaakhaviheraka ale atthanwe otxa yootxa yoomunepani (5:59)

Margarida aavarela muteko okumi awe aalaleyaka mitthenka sooreera. Nwehe moota eyo yamphwanyihaaya ohakalala.

Kinnahakalala ni muteko kithanliyaaka opaka (6:29)

Nwehe milattu saakhumelenle Anamoona a Yehova ni saakhavihenre muteko woolaleera.

“Anamalaleerya a Omwene Anniroiha Milattu Saya Otribunaali” (Omwene wa Mululu Onilamulela!, muru 13)

Yesu aahima weera makristu antthuneya oBatiziwa. (Mmusome Matheyo 28:19, 20.) Vano oBatizo ti heeni? Munaapake eheeni weera mBatiziwe?

1. Obatizo ti heeni?

Masu ooweera Obatizo vegreguni antaphulela “oneela erutthu yootheene”. Nto Tiyeeyo yeereñye ni Yesu emaara owo aaBatiziwaawe omoolokoni Yordani erutthu awe yootheene yaaneela mmaahini. Ninnasuwela eyo, mwaha wooweera aBatiziwakaru ‘aakhuma mmaahini’. (Marko 1:9, 10) Emutakihaka Yesu, makristu eekhaikhai yaaBatiziwaka, ennaneelihiwa mmaahini erutthu aya yootheene.

2. Obatizo onoonihera heeni?

Emaara mutthu oBatiziwaawe onnoonihera weera oovaherera ekumi awe wa Yehova. Moota heeni owo oniivahereraawe? Ohinaakuve mutthu oBatiziwa, owo onnavekela Yehova amuleelaka weera ontthuna onvarela ekumi awe yootheene. Owo onnalaihera weera onkela omukokhorelaka Yehova paahi. Nave, opaka yootthuna ya Yehova, enkela okhala etthu yootepa otthuneya mweekumini mwawe. Owo onniithanlela ‘wiikhotta mwanene’ ni otthara mahuku ootheene sooxuttiha sa Yesu ni ntakihero nawe. (Matheyo 16:24) Mwaha wa wiivaherera ni Obatiziwa, mutthu onweraawe okhalano onthamwene woolipa ni Yehova ni atthu ale ammukokhorela.

3. Weera mutthu aBatiziwe, ontthuneya mutthu opaka eheeni?

Nyuwo muhinaakuve oBatiziwa tivootthuneya ooxuttera voohima sa Yehova ni okhalano nroromelo noolipa ni yoowo. (Mmusome Aheberi 11:6.) Emaara munaatxeereraanyu omusuwela iwo ni okhalano nroromelo noolipa, mmweereke omusivela. Mweekhaikhai nyuwo munaatthuneke waaleela atthu akina voohima sa yoowo ni okhala moovarihana ni ele onhimaawe sa yooreera ni yoonanara. (2 Timotheyo 4:2; 1 Yohani 5:3) Emaara mutthu onooniheraawe weera ontthuna omuhakalaliha Yehova, onnavaherera ekumi ni onnaBatiziwa.—Akolosi 1:9, 10.a

WEERA MUXUTTERE SINTXIPALE

4. Nnooxuttera etthu etokotoko ni oBatizo wa Yesu

Mmusome Matheyo 3:13-17 weera muxuttere sintxipale voohima sa oBatizo wa Yesu. Avinyaka mutthekule ni epontu enttharelana:

• Neereke Yesu ari mwana emaara aBatiziwaawe?

• Owo aBatiziwe moota heeni? Neereke owo arimweera ottonyeriwa maahi vakhaani mmuruni?

Abatiziwakaru, Yesu aapatxera muteko aavahiwaawe ni Yehova. Mmusome Luka 3:21-23 ni Yohani 6:38. Avinyaka mutthekule ni ipontu sinttharelana:

• Yesu aBatiziwakaru, muteko heeni aahelaawe nipuro noopatxera mweekumini mwawe?

5. Obatizo etthu muntthuneyaanyu othanla meekhaanyu

Othanla wiivaherera wa Yehova ni oBatiziwa, pooti okhala muritti mutokotoko. Nto wakhala weera nyuwo munooxuttera voohima sa Yehova ni munavarihela muteko ele owo onhimaawe, munookhalano nroromelo mwaapakaka yoothanla eyo yootthuneya. Atthu antxipale aapaka eyo. Moone EVIIDIYU.

EVIIDIYU: Moota heeni nneeraahu nlipihe onthamwene ahu ni Yehova? (1:11)

Mmusome Yohani 17:3 ni Yakobe 1:5, avinyaka mutthekule ni epontu enttharelana:

• Eheeni eneera emukhavihere mutthu wiireherera weera aBatiziwe?

1. Ninnaivaherera wa Yehova namuleela weera nintthuna onvarela muteko ekumi ahu yootheene

2. Vaavo nimbatiziwaahu ninnawoonihera atthu ootheene weera nohiivaherera wa Yehova

6. Emaara nimBatiziwaahu ninneerela empari emusi ya Yehova

Emaara nimBatiziwaahu, ninneerela empari emusi ya Yehova yoowiiraana ya elapo yootheene. Ehipwatthaka elapo ankhalaaya naari sookhovelela saya Anamoona a Yehova ootheene ooBatiziwa soororomela saya siri imoharu nave aniiwelela malamulo mamoharu a Muluku. Musome Nsalmu 25:14 ni 1 Pedru 2:17, avinyaka mutthekule ni epontu enttharelana:

• Mutthu oBatiziwa, onthamwene heeni onkhalaweno ni Yehova ni ale ammukokhorela yoowo?

NYAHA SOOTTHUNEYA

Yesu aaxuttiha weera makristu ootheene antthuneya oBatiziwa. Mwa yeeyo, mutthu ontthuneya okhalano nroromelo wa Yehova, ni okhala moovarihana ni ele onhimaawe sa yooreera ni yoonanara ni ovaherera ekumi awe wa Yehova.

Wuuluula

• Obatizo ti heeni, nave heeni oraaya wootthuneya?

• Wiivaherera onvarihana hayi ni oBatizo?

• Itthu heeni mutthu ontthuneyaawe opaka ohinakuve wiivaherera wa Yehova ni oBatiziwa?

WEERA MUSUWELE ITTHU SINTXIPALE

Muxuttere oBatizo ti heeni ni eheeni ehikhanle oBatizo?

“Obatizo ti heeni?” (Mwaha va jw.org)

Musome voohima sa ele mutthu ontthuneyaawe opaka weera abatiziwe.

“Omphenta ni Omuxukhurela Yehova Onoowiirihani Opatisiwa” (Owehaweha, a Março a 2020)

Moone ntakihero na mulopwana mmoha yoowo apanke yoothanla weera abatiziwe aatakinhaawe.

“Awosa Yaaphavela Wira Kiwehe Mmensaka Etthu Yaari Yekeekhai” (Owehaweha, 1.º a Fevereiro a 2013)

Muxuttere mwaha wa heeni obatizo eraaya etthu yootthuneya wa nyuwo ni etthu muneeraanyu mpake weera mwiireherere weera mbatiziwe.

“Keereke kinnatthuneya obatiziwa” (Os Jovens Perguntam—Respostas Práticas, Volume 2, capítulo 37)