• Ninkela okhala hayi ootteela Vamaithoni va Muluku?
    Mukhaleno Ekumi Yoohimala!—Yoosoma Ya Biblya

    • 4. Nwine sookhovelela sa mwiikho

      Mulopwana mmoha arihelaka emaasu ya sigaro vakokholani.

      Yehova pooti wookhaviherani owina yookhovelela yeele eri yootheene yoonanara

      Wakhala weera nyuwo munnampaha soona naari munnavarela muteko mirette soorukureeriha muru munoosuwela moota onxupaaya owina mikhalelo soonanara. Eheeni enkela wookhaviherani? Muupuwele moota mikhalelo iyo sinoonanarihaayani. Mmusome Matheyo 22:37-39. Avinyaka mutthekule ni ipontu sinttharelana: Moota heeni ompaha soona ni ovarela muteko mirette soorukureeriha muru sinnanarihaaya . . .

      • onthamwene wa mutthu ni Yehova?

      • amusi a mutthu ni atthu akina ankhala ni yoowo?

      Mumpake palano moota woowina sokhovelela soonanara.a Moone EVIIDIYU.

      EVIIDIYU: Mukhale oopixa murima (2:47)

      Mmusome Afilipi 4:13. Avinyaka mutthekule ni epontu enttharelana

      • Moota heeni ovekela veeli-veeli, omusoma Biblya ni woonela mithukumano oneeraaya onvahe mutthu ikuru soowinano sookhovelela soonanara?

      5. Nwaneno nyuupuwelo soonanara

      Mmusome Akolosi 3:5. Avinyaka mutthekule ni ipontu sinttharelana:

      • Ninsuwela hayi weera, woona epornografia, sexting [yookhovelela ya winviyarelana mensagem, ifootu ni iviidiyu mutelefoonini mutthu ohiwanre] ni mukhalelo woowiivukula sookhovelela soonanara vamaithoni va Yehova?

      • Nyuwo munoona weera tiwoowereya okhala ootteela mmuupuweloni ntoko Yehova ontthunaawe? Mwaha wa heeni?

      Moone moota nyuwo muneeraanyu nwine nyuupuwelo soonanara. Moone EVIIDIYU.

      EVIIDIYU: Onnatthuneya opaka etthu weera mukhale ootteela (1:51)

      Yesu aavarela muteko ntakihero nimoha weera oonihere weera onnatthuneya othanla okhala ootteela mmuupuweloni. Mmusome Matheyo 5:29, 30. Avinyaka mutthekule ni ipontu sinttharelana:

      • Yesu khaatthuna ohima weera nintthuneya wiisaata erutthu ahu, mene weera nintthuneya opaka etthu. Itthu heeni mutthu ontthuneyaawe opaka weera asempe nyuupuwelo soonanara?b

      Wakhala weera nyuwo munwana ni nyuupuwelo soonanara, Yehova onnahela mwiitti wiilipihera wanyu. Musome Nsalmu 103:13, 14. Avinyaka mutthekule ni epontu enttharelana:

      • Wakhala weera nyuwo munnakhalano maxupo oowina sookhovelela soonanara, moota heeni yoolepa ela eneeraaya ewooperereni ovirelela owanano?

      Muhikhulumuwe!

      Mutthu amora vale, tiwookhweya wuupuwela: ‘Miyo toohilipa. Mene tiwooreera ohitthikela ottuli.’ Muupuwele ela: Mwaha wooweera ole ontthimaka onnakwattuliwa ni omora, eyo khentaphulela weera mooyeleela otthimaka naari weera munrowa otthikela veeli. Mwa yeeyo, omora omoha mwaha wa yookhovela yoonanara khontaphulela weera mmweereke opatxera veeli. Wakhala weera eyo enimweereya muhikhulumuwe munoowera ovirelela. Muhikhulumuwe! Mukhaviheriwaka ni Yehova, nyuwo munoowera owina sookhovela soonanara.

      Mulopwana mmoha ootthimaka avinyaka mwaha woora.
  • Eheeni Biblya onhimaawe sa makristu owura eviinyu?
    Mukhaleno Ekumi Yoohimala!—Yoosoma Ya Biblya

    • 6. Nikhavihero anvahiwaaya ale anwura vantxipale

      Moone etthu yaamukhavihenre mulopwana mmoha owina mukhalelo woowura eviinyu. Moone EVIIDIYU, avinyaka mutthekule ni ipontu sinttharelana.

      EVIIDIYU: ‘Miyo ekumi aka yaari yoowaatteliwa’ (6:32)

      Opwexeereriwa wa ilataratho: Impari sa iviidiyu ‘Miyo ekumi aka yaari yoowaatteliwa. 1. Dmitry onnawehexexa ekarafa ya eviinyu. 2. Dmitry, amwariye ni mwanawe emusomaka Biblya vamoha.

      • Nviidiyuni, etthu heeni Dmitry aapakaawe vaavo aawuraawe?

      • Neereke owo aahiyale paahi owura eviinyu ekwaha yoopatxera?

      • Moota heeni owo aawinnaawe mukhalelo owo woowura eviinyu?

      Mmusome 1 Akorinto 6:10, 11, ni avinyaka mutthekule ni ipontu sinttharelana:

      • Neereke ohapaliwa maxupo matokweene yaawo nihintthuneyaahu okuxera matheela?

      • Eheeni enoonihera weera mutthu onaatxeerera owura pooti otxentxa mukhalelo awe?

      Mmusome Matheyo 5:30, ni avinyaka mutthekule ni ipontu sinttharelana:

      • Niphwanaphwaniho Yesu uulummaawe woohima othikila ntata, owo aatthuna ohima weera onnatthuneya wiilipihera weera nimuhakalalihe Yehova. Eheeni munkelaanyu opaka waakhala weera munniwanano mukhalelo wootthuna ohiya ohapaliwa?a

      Mmusome 1 Akorinto 15:33, avinyaka mutthekule ni epontu enttharelana:

      • Nyuwo mukhalanneene asinthamwene anaatxeerera owura eviinyu, moota heeni etthu eyo eneeraaya yoovoleeleni?