Muttheka mutokweene wa mBiblyani ori Omwene wa Muluku. Yehova onkela ovarela muteko Omwene owo weera atatuxe elapo ela okhala eparadiso. Omwene heeni yoowo? Ni ninsuwela hayi weera onnalamulela? Eheeni owenraaya opaka? Ni eheeni onkelaaya opaka muhoolo? Yoosoma ela ni yoosoma enttharelana enoorowa waakhula makoho ala.

1. Omwene wa Muluku ti heeni ni taani ori mwene a Omweneene yoowo?

Omwene wa Muluku olamulelo Yehova opankaawe wiirimu. Yesu kristu, onlamulela areene wiirimu. (Matheyo 4:17; Yohani 18:36) Biblya onhima weera Yesu “omwen’awe . . . khorwa omala.” (Luka 1:32, 33) Mwaha wookhala mwene a Omwene wa Muluku onkela waalamulelaka atthu a elapo yootheene ya vathi.

2. Taani ankela olamulela vamoha ni Yesu?

Yesu khankela olamulelaka meekhaawe. ‘Atthu a nihimo ni mulumo ni maloko a elapo yootheene, anrowa olamulela ni yoowo.’ (Apokalise 5:9, 10) Atthu akavi ankela olamulela ni Kristu? Okhuma ehuhu Yesu aaraawe elapo ya vathi atthu antxipale yaakhala makristu. Neereke makristu ootheene ankela olamulelaka ni Yesu? Hooye. Atthu okwana 144.000 ankela olamulelaka ni Yesu wiirimu. (Mmusome Apokalise 14:1-4.) Makristu makina, ankela weerela empari ya emusi ya Muluku vathi vaava.—Nsalmu 37:29.

3. Mwaha wa heeni Omwene wa Muluku oraaya wootepa ontthuneya opwaha olamulelo wa atthu?

Nnaamweera anamalamulela yeereraka opaka itthu sooreera, awo khayaanono owera woopaka itthu sootheene antthunaaya. Ni ennaphiyera emaara etxentxiwe ni omwene mukina, mwaha wooweera khaanaapwattha atthu ntoko entthuneyaaya. Mene mwene a Omwene wa Muluku, Yesu. Yoowo ohinkela otxentxiwa ni mwene mukina. ‘Muluku a wirimu anavinyererihe omwene ohinkela opwexiwa wa mahiku othene.’ (Daniyeli 2:44) Yesu onkela olamulelaka elapo yootheene. Nto aneereke waapwattha atthu ootheene nave khamusamaraka mutthu mmoha nnene opwaha mukina. Owo tansivelo, tooreera murima ni ta xariya ni aneereke waaxuttiha atthu othokororana mukina ni mukhwaawe mwa nsivelo, ni mooreera murima ni exariya.—Mmusome Yesaya 11:9.

4. Omwene wa Muluku onkela olamulelaka elapo yootheene

Olamulela wa Omwene wa Yesu ti wootthuneya opwaha olamulelo wootheene onkhanle. Mmusome Matheyo 28:18. Avinyaka mutthekule ni epontu enttharelana:

• Owera wa Yesu ohiyane moota heeni ni owera wa atthu?

Anamalamulela a mulaponi annatxentxa moowaakuveya, ootheene awo anlamula empari vakhaani ya elapo paahi. Ankha nto voohima sa Omwene wa Muluku? Mmusome Daniyeli 7:14. Avinyaka mutthekule ni ipontu sinttharelana:

• Mwaha wa heeni oraaya wooreera osuwela weera Omwene wa Muluku ‘khonkela opwaxiwa ni omwene mukina’?

• Mwaha wa heeni oraaya wooreera osuwela weera omwene wa Muluku onkela olamulela elapo yootheene?

5. Anamalamulela aatthu annatthuneya otxentxiwa

Mwaha wa heeni Omwene wa Muluku oneeraaya otxentxe omwene wa atthu? Moone EVIIDIYU. Avinyaka mutthekule ni epontu enttharelana.

EVIIDIYU: Omwene wa Muluku ti heeni?—Empari (1:41)

• Enkhumela heeni mwaha woolamulela atthu?

Mmusome Koheleti 8:9. Avinyaka mutthekule ni ipontu sinttharelana:

• Nyuwo munoona weera Omwene wa Muluku onootxentxa olamulelo wa atthu? Mwaha wa heeni munoonaanyu hiiho?

6. Omwene wa Muluku wookhalano anamalamulela ansuwela makhalelo ahu

Mwene ahu Yesu aakhala valaponi ntoko mutthu, mwa yeeyo, owo “onnasuwela soottettheya sahu.” (Aheberi 4:15) Opwaha mwa yeeyo, Yehova ohaathanla atthu 144.000 alopwana ni athiyana oororomeleya yaayo ankela olamulela ni Yesu, atthu “a nihimo, nulumo, ni maloko othene.”—Apokalise 5:9.

• Munoonela hayi mwaha woosuwela weera Yesu ni ale ankela olamulela ni yoowo aasuwela maxupo ninvirihaahu? Mwaha wa heeni munoonaanyu hiiho?

7. Malamulo a Omwene wa Muluku tootepa ontthuneya opwaha malamulo a olamulelo waatthu

Anamalamulela ennapaka malamulo yaawo anaakhavihera atthu ni waakosoopa. Omwene wa Muluku tho wookhalano malamulo. Mmusome 1 Akorinto 6:9-11. Avinyaka mutthekule ni ipontu sinttharelana:

• Munoonela hayi waakhanle weera atthu a elapo yootheene anniwelela malamulo a Muluku?a

• Nyuwo munoona weera Yehova onnaanyesereriha atthu wiiwelela malamulo a Omwene awe? Mwaha wa heeni munoonaanyu hiiho?

• Eheeni enoonihera weera atthu ahiniiwelela malamulo a Muluku pooti otxentxa?—Moone eversu 11.

NYAHA SOOTTHUNEYA

Omwene wa Muluku omwene weekhaikhai ori wiirimu onkela olamulela elapo yootheene.

Wuuluula

• Taani ari anamalamulela a Omwene wa Muluku?

• Mwaha wa heeni Omwene wa Muluku oraaya wootepa otthuneya opwaha omwene wa atthu?

• Eheeni Yehova ontthunaawe wa atthu antthuna weerela empari Omwene awe?

WEERA MUSUWELE ITTHU SINTXIPALE

Moone etthu Yesu aahimmaawe voohima as wiirimu iwe oraayawo Omwene wa Muluku.

“Omwene wa Muluku etthu eri va murimani vahu?” (Mwaha va jw.org)

Mwaha wa heeni Anamoona a Yehova anoonaaya okhala wootthuneya okhala oororomeleya ni Omwene wa Muluku opwaha omwene wa atthu?

Wiivaherera okhavihera Omwene wa Muluku (1:43)

Moone ele Biblya onhimaawe voohima sa 144.000 atthu yaawo Yehova aathanlalaawe weera yaalamuleleke ni Yesu.

“Taani ankela wiirimu?” (Mwaha va jw.org)

Eheeni yanvanre murima muthiyana mukadeya woona weera Muluku paahi taneera awere oreherera maxupo ni ohixariya wa elapo ela?

“Waasawaka elapo yookhala exariya” (Despertai!, a Novembro a 2011)

Yesu aahaleela atthareli awe weera ‘khamuneerela eparte elapo.’ (Yohani 15:19) Eyo enhela mpuwa, ohikhalano epartidu—naari okela okhottoni. Mene okhala oororomeleya wa Yehova ni ohipakela eparte elapo khohiyono ti wookhweya. Emaara ekina hiyo pooti oveehiwa mwaha woohipakela eparte elapo. Moota heeni hiyo nneeraahu nikhale oororomeleya wa Yehova niheerelaka empari elapo?

1. Tuuvi ori moonelo wa makristu woohima sa olamulelo wa atthu?

Makristu annaattittimiha anamalamulela. Mwa yeeyo, ninnapaka ele ninweraahu nttharihaka masu a Yesu aahimmaawe eeraka “Sa Sesari nvaheni Sesari” Entaphulela weera, ontthuneya wiiwelela malamulo a elapo nlivaka musonkho. (Marko 12:17) Biblya onxuttiha weera anamalamulela ekhanle mwaha wooweera Yehova owaakhulenle. (Aroma 13:1) Nto ninnasuwela weera anamalamulela aatthu aakhalano owera. Nave ninnasuwela weera owera araayano khonlikana ni owera Muluku oraaweno. Ni tho noosuwela weera Muluku paahi taneera awere omaliha moorweela mwa Omwene awe maxupo ootheene aatthu.

2. Ninkela woonihera hayi weera khanneerela eparte elapo?

Nimutakihaka Yesu, hiyo khanneerela eparte epoliitika. Atthu yoonakaru miiriira Yesu aapankaawe yatthuna onvara omwene, mene owo aakhootta. (Yohani 6:15) Mwaha wa heeni? Etthu aahimmaawe muhoolo mwaya ennanikhavihera waakhula nikoho nna: “Omwene aka khohiyo wa elapo ela.” (Yohani 18:36) Weera nikhale atthareli a Yesu, ninnoonihera weera khanneerela eparte elapo mwa makhalelo oovirikana. Mwa ntakihero, hiyo khaninrowa okhottoni. (Mmusome Mikeya 4:3.) Opwaha mwa, yeeyo hiyo khannisontta epoliitika naari khanimmukhavihera napoliitika naari candidaatu. Hiyo ninnattittimiha elapo yeeyo ninkhalaahu, mene khaninkokhorela ithonyero—sa elapo naari khaninvara—itthu sinvarihana ni seiyo. (1 Yohani 5:21) Iya itthu vakhaaneene sinnoonihera weera, ninnaroromela moomalela—Omwene wa Muluku.

WEERA MUXUTTERE SINTXIPALE

3. Makristu eekhaikhai khenpakela eparte elapo

Yesu ni atthareli awe khayeerela empari elapo, ni hiyo nintthuneya otthara ntakihero naya. Mmusome Aroma 13:1, 5-7 ni 1 Pedru 2:13, 14. Avinyaka moone EVIIDIYU ni avinyaka mutthekule ni epontu enttharelana.

EVIIDIYU: Makristu eekhaikhai khenpakela eparte elapo—Empari 1 (4:28)

• Mwaha wa heeni nintthuneyaahu waattittimiha anamalamulela aatthu?

• Moota heeni nneeraahu niwoonihere weera ninnawiiwelela?

Maloko makina anhima weera khenpakela eparte elapo, mene ikwaha ikina annakhavihera ikhotto iyo. Vanonto eheeni entaphulelaaya oheerela emapari elapo mweekhaikhai? Mmusome Yohani 17:16. Avinyaka moone EVIIDIYU ni mutthekule ni ipontu sinttharelana.

EVIIDIYU: Makristu eekhaikhai khenpakela eparte elapo—Empari 2 (3:11)

• Entaphulela heeni ohipakela eparte elapo?

Ni ankha wakhala weera anamalamulela aaneerela weera nipake etthu envirikanyiha malamulo a Muluku? Mmusome Miteko 5:28, 29. Avinyaka moone EVIIDIYU ni avinyaka mutthekule ni ipontu sinttharelana.

EVIIDIYU: Makristu eekhaikhai khenpakela eparte elapo—Empari 3 (1:18)

• Wakhal weera malamulo aatthu ahoovekelani opaka etthu, ni malamulo a Muluku annoovekelani opaka etthu envirikana niiyo, mpuwa mwa malamulo ala meeli tiniivi nintthuneyaahu wiiwelela?

• Neereke munnawera wuupuwela itthu sineera siweerihe makristu ohiiwelela malamulo aatthu?

4. Muheereleke empari elapo mmuupuweloni ni mmitekoni

Mmusome 1 Yohani 5:21. Avinyaka moone EVIIDIYU ni avinyaka mutthekule ni ipontu sinttharelana.

EVIIDIYU: Akristu eekhaikhai entthuneya olipa murima—Weera ehereleke empari epartidu (2:49)

• Nviidiyuni, mwaha wa heeni Ayenge aathanlalaawe oheerela empari epartiitu ya epoliitika naari sinvarihana ni wuulumiha ebandera?

• Nyuwo munoona weera owo aapaka yoothanla yooreera?

Itthu heeni ikina seera seerere oheerela wahu empari epoliitika? Moone EVIIDIYU. Avinyaka mutthekule ni ipontu sinttharelana.

EVIIDIYU: Soosoma nixuttenraahu va Nwehereri—Nvireleleke ohipakela eparte elapo yookawanyeya (5:16)

• Wakhala weera elapo ahu enoowana ni elapo ekina moota heeni nneeerahu nihipakele eparte elapo?

• Moota heeni nneeraahu nihipakele eparte elapo vaavo anapoliitika ampakaaya soothanla seiyo sinnitapha?

• Moota heeni itthu nniiwaahu ni sa atthu akina ni mitthenka sineeraaya sitaphe oheerela wahu empari epoliitika?

NYAHA SOOTTHUNEYA

Makristu aniilipihera vantxipale weera eheerele empari elapo mmasuni mmuupuweloni ni mmiteko mwaya.

Wuuluula

• Ninkele woonihera hayi weera ninnawiiwelela anamalamulela a elapo?

• Mwaha wa heeni nintthuneyaahu oheerela empari elapo?

• Itthu heeni seera seerere oheerela wahu empari elapo?

WEERA MUSUWELE ITTHU SINTXIPALE

Muniilipihere hayi weera musempe ohipakela eparte elapo?

Yehova khanannyanyale (3:14)

Eheeni itthoko sinkelaaya opaka weera siireherere ehinaaye ophiya ehuhu yoweereriwa?

Muhipakeleke eparte elapo ikwaha sootheene (4:25)

Mwaha wa heeni weerela eparte elapo nihikhanlaaya nttittimiho wa mutthu?

“Wa Muluku itthu sootheene sinnawereya” (5:19)

Moone moota woohipakela eparte elapo mwapakaka soothanla voohima sa muteko.

“Yoole ori mutthu ateexe muritti awe” (A Sentinela, a 15 a Março a 2006)