Mwikasoope weera muhilaleye soowootha

Mahikwaano itthu waakuva wiiwanyeya mwaha wa Ijornaale, aRadiyu, TV ni internet mwemmo sinnahimmwa itthu sekhaikhai ni seethiru. Vano ale “ammukokhorela Muluku ekhaikhai”, ontthuneya osepaka omisamisa ithiru sinhimmwa. (Nsal 31:6 [31:5 NM]; Ott 23:1) Mwalelaka mitthenka soowootha atthu akina, pooti waananariha akhwiinyu. Mwaahovelaka mitthenka mwiiwalaanyu mwiikoheke ha, muhinaaye olaleya:

• ‘Mitthenka iya ti soororomeleya?’ Pooti weera mutthu iwale mitthenka iyo khasuwenle itthu sootheene. Muhittuwale weera itthu inootxentxeya sahimmwaka ni mutthu mukina. Ale anholela miloko antthuneya wiikosoopaka ni itthu sinhimmwa ni atthu akina.

• ‘Keereke mitthenka iya sinamuhela ekhitto mutthu owo?’ Wakhala weera ele mwiiwalaanyu enoomunanariha mutthu mukina naari omuyeviha, waamurera ohaaleela atthu akina. — Mir 18:8; Af 4:8

• ‘Keereke ela kiwalaaka ekhaikhai?’ Mwikosoope mwaiwa itthu naari sookumanano sooseseriwa.

MOONE EVIIDIYU ENEERA: KINROWA OWERYA SAI OHIYA WAAPA? AVINYAKA MPAKE MAKOHO VAKHAANI:

• 

  Moovarihana ni Miruku 12:18, masu ahu anlikanxeriwa eheeni?

• 

  Moota heeni masu ari va Afilipi 2:4 annikhaviheraaya moota woowuluma ni atthu akina?

• 

  Ninrowa opaka eheeni wakhala weera masu munulumaanyu ennananara?

• 

  Ontthuneya wiikoha eheeni naawuulumaka atthu akina?