“Muhixupeye ni etthu eri poothe”

Yehova annaakhavihera atthu yaari oohaawa a nloko na ana a Israeli. Yehova onaakhavihera hayi arumeyi awe ahikhanleno itthu sintxipale sa veerutthuni?

• Owo onanikhavihera okhalano moonelo weriyari-neeriya voohima sa musurukhu.—Lk 12:15; 1Tim 6:6-8

• Yehova onnanikhavihera wiihela mwiitti.—Yobi 34:19

• Owo onnanleela weera nikhaleke atthu oovara muteko ni weera nihikhalekeno mikhalelo soonanara.—Mir 14:23; 20:1; 2Akor 7:1

• Owo oonivaha emusi yoomunepani anoonihera nsivelo nekhaikhai.—Yoh 13:35; 1Yoh 3:17, 18

• Owo onnanivaha yooweherera ya muhoolo.—Nsa 9:18; Yes 65:21-23

Naamwi maxupwaahu evirelelaka oxupa, khontthuneya oxupeya. (Yes 30:15) Yehova onoonivaha itthu sa weerutthuni, naavirelelaka ohela Omwene awe nipuro noopatxera mweekumi mwahu.—Mt 6:31-33.

MOONELE EVIIDIYU ENEERA: NSIVELO KHANIMMALA NAAMWI . . . NREENENO MAXUPO OOTHOWA MUSURUKHU—OCONGO, AVINYAKA MWAAKHULE MAKOHO ALA

• 

  Asinna ankhala waattamela mapuro ompakiwaayavo muthukumano mutokweene yoonihenre hayi owaakhela aletto wa ale yaakhumme mapuro oorakamela?

• 

  Eviidiyu enxuttiha eheeni voohima sa nsivelo Yehova onwooniheraawe ale oohaawa?

• 

  Ninkela omutakiha hayi Yehova naamwi nihikhanleno itthu sintxipale sa veerutthuni?