Ekampanya especial para opatxeriha soosoma sa Biblya mweeri wa Setembro

Mweeri wa setembro nnoorowa wiilipihera weera naavahe atthu ootheene eparakha yoomusoma Biblya nivarelaka muteko ebroxura Mukhaleno ekumi yoohimala! Anamalaleera eneera ekhale mapiyoneiru ookhavihera mweeri ola enrowa ovaherera iwoora 30. Ekampanya especial ela enkela opakiwa moota heeni?

• Ekwaha yoopatxera otthekula: Nvarihele muteko epaxina yoomalihera ya ebroxura weera nvare murima wa mutthu ni mweerere woonihera yoosoma ya Biblya. Muhaattiwale ale yoonihenre ntthuno ni ale mulaihannaanyuno otthikela waxekura, nnamweera atthu awo khalayeene yahaatthuna omusoma Biblya, vano pooti weera atthu awo, animoonihera ntthuno noomusoma Biblya mwaha wa ebroxura enyowani ni moota munyowani woomusoma Biblya. Nihihiyeke ebroxura ela empa atthu ehakhunlaaya naari mano nihaarumiheleke ebroxura mukartani atthu ehoonihenre ntthuno. Ekomisau ya muteko ya va mulokoni pooti ompaka programa mukina oorowa muteko woolaleera mpuwa wa mweeri wa kampanya.

• Iparakha ikina soolaleera: Wakhala weera muloko anyu onnavarihela muteko ikarinyu sinheliwavo iliivuru sahu, muhiye ebroxura Mukhaleno ekumi yoohimala! voowooneya. Wakhala weera mutthu ohoonihera ntthuno nookuxa ebroxura Mukhaleno ekumi yoohimala! mmuleele weera ebroxura ela ninsoma naatthu mohaaliviha eetthu. Vaawereyaka, mmoonihere moohipisa moota empakiwaaya yoosoma ya Biblya. Vahiwereyaka, mvaaneleno mutthu owo ewoora yookumana weera mmoonihere moota empakiwaaya yoosoma ya Biblya. Mutokweene amuteko pooti waathanla anamalaleera oopwanelela weera erowe ovaha soosoma sa Biblya mmapuroni sintumihiwa itthu. Nyuwo tho, pooti opatxeriha yoosoma ya Biblya nasikwiinyu oomutekoni naari wa atthu yaale nyuwo munaapwanyaanyu mulaleeraka mmuseweni [testemunho informal].

Yesu oonivaha nlamulo na waapaka ‘atthareli’ ni ‘wahusiha.’ (Mt 28:19, 20) Ninweherera weera ekampanya ela especial nivarelaka muteko ebroxura Mukhaleno ekumi yoohimala! enikhavihere okwanihera yooruma ela ya Yesu ya waapaka atthareli ni wahusiha!