MAKHALELO A MAKRISTU
Mulipihe nroromelo muraanyuno weera Biblya masu a Muluku
Biblya onnatxentxa ikumi sahu. (Aheb 4:12) Mene weera nttottele murerelo ikano ni miruku sa Yehova ninntthuneya weera nroromeleke weera Biblya “masu a Muluku.” (1Ates 2:13) Vano ninkela olipiha moota heeni nroromelo nahu weera Biblya masu a Muluku?
Mmusomeke Biblya mahiku ootheene. Emaara nyuwo mummusomaanyu Biblya, mooneke mathowa anoonihera weera Biblya uupuxerinwe ni Muluku. Mwa ntakihero, nkawehani miruku soovareleya muteko simphwanyeya eliivuru ya Miruku ni moone moota miruku iyo siraaya soovareleya muteko mweekumini mwanyu mahikwaano.—Mir 13:20; 14:30.
Munpake programa oomusoma Biblya. Musomeke itthu sinoonihera weera Biblya uupuxerinwe ni Muluku. Mwaase Eliivuru Enaakhaliherya Anamoona a Yehova Otokosa Myaha Sikumiheriwe, mwaphwanya vale, mukele nipuro nneera “Biibiliya” avinyaka mwaase mwaha oneera: “Uupuxeriwe ni Muluku” nyuwo tho pooti olipiha nroromelo nanyu weera masu a Muluku khetxentxale musomaka nyaha simphwanyeya va Apêndice A3 a Tradução do Novo Mundo.
MOONELE EVIIDIYU ENEERA: HEENI NIKHALANNAAHU NROROMELO NI . . . MASU A MULUKU, AVINYAKA MWAAKHULE MAKOHO ALA:
Moota heeni exiri yooneleliwe oKarnak wIxipitu enooniheraaya weera masu a Muluku teekhaikhai?
Ninsuwela moota heeni weera masu a Muluku eri mBiblyani khetxentxinwe?
Mwaha wa Biblya oviriha maxupo mpaka mahiku ahu ala, ennoonihera moota heeni weera owo masu a Muluku?—Mmusome Yesaya 40:8