YOOSOMA 03
Neereke munnamuroromela Biblya?
Biblya onnathaliha itthu sooreera sineera seereye muhoolo ni onnavaha miruku sooreera. Nyuwo pooti woopakihani waasaasera otthuna osuwela itthu owo onthalihaawe. Emaara emoha-moharu, pooti ohovela itthu olaihenraawe. Neereke nyuwo pooti ororomela soolaihera siri mbuukhuni a khalai? Neereke tthiri onnareerela ororomela ele Biblya onhimaawe weera nnookhalano ekumi yoohakalaliha vaanano ni muhoolo? Atthu antxipale anoona weera aani. Neereke tho munnaroromela?
1. Neereke sooweereya sa mBiblyani ti seekhaikhai tthiri?
Biblya onthaliha weera anamalepa awe, yaalepa “masu òsiveleya, ni yeyo alempàya ti yoloka ni ya ekhaikhai”. (Koheleti 12:10) Biblya onnathaliha sooweereya seekhaikhai ni atthu eekhaikhai. (Mmusome Luka 1:3; 3:1, 2.) Alipa oohima nyaha ni ale oothipa-thipa itthu sooweereya annaakhulela weera itthu Biblya onhimaawe voohima sa idaata, atthu, mapuro ni sooweereya sootheene ti seekhaikhai.
2. Mwaha wa heeni nneeraahu Biblya toororomeleya naamwi areene a khalai?
Biblya ebuukhu yoosuweliwa ovinya khalai. Mwa ntakihero, uulumaka sa siyensia. Ehuhu Biblya alempwaawe, atthu antxipale khayaaroromela itthu aahimaawe. Olelo va siyensia onnaakhulela weera Biblya onhima ekhaikhai. Masu awe “ti solipa wa ehuhu yohimala.”—Nsalmu 111:8.
3. Mwaha wa heeni nneeraahu nroromeleke itthu Biblya onthalihaawe sa muhoolo?
Biblya onnahima sooloheraa seiyo sinuuluma “itthu sihàkunve wereya”. (Yesaya 46:10) Mwa ntakihero, itthu sintxipale seereñye silempwale mBiblyani, iyaakha sa muttuli sihinaaye weereya. Biblya tho aahima vahinaaye moota elapo yeeraaya ekhale olelo va. Yoosomeene yeela ninkela woona soolohera siri mBiblyani. Woona moota seereñyaaya ntoko Biblya aahimmaawe sinnanittuttha murima!
WEERA MUXUTTERE SINTXIPALE
Moone moota siyensia onaakhulelaawe itthu Biblya onhimaawe ni mwaase soolohera sawe sootikiniha.
4. Siyensia onnavarihana ni Biblya
Ehuhu ya khalai, atthu antxipale yaaroromela weera etthaya yannavareleliwa neetthu. Moone EVIIDIYU.
Moonelele etthu ebuukhu ya Yobi yaathalihaaya mwa iyaakha sa 3.500 sivinre. Mmusome Yobi 26:7, ni avinyaka mutthekule ni ipontu sinttharelana:
Mwaha wa heeni eraaya yootikiniha Biblya aahimaka weera etthaya “yankiye vapheyoni”?
Atthu yiiwexenxe nnene mweettelo wa maahi sivinreene iyaakha 200 sa muttuli. Mene moone moota Biblya aahimmaawe sivinreene iyaakha sintxipale sa muttuli. Mmusome Yobi 36:27, 28 ni avinyaka mutthekule ni ipontu sinttharelana:
Yooxuttiha enhima sa mweettelo wa maahi, heeni eraaya yootutuxera?
Soolepa iya musommaanyu soohaatxeerera omuroromela wanyu Biblya?
5. Biblya aahuuluma vahinaaye itthu sootthuneya seera seereye
Mmusome Yesaya 44:27–45:2, ni avinyaka mutthekule ni ipontu sinttharelana:
Ti heeni yakhumelenle ni ecidade ya oBabilonia, Biblya aathalinhaawe sivinreene iyaakha 200 ehinaaye weereya?
Sooweereya sinhima weera kiro, mwene opersia, ni anakhotto awe aanyaanya ecidade ya oBabilonia eyaakha ya 539 ahinaaye owa Kristu. Awelelihakaru mooloko waavira muxerexere yavolowa milako ihulenñyene kwenkwere. Mwa yeeyo yaawera onyaanya ecidade ya oBabilonia woohihaawelela. Soovira iyaakha 2.500 enyaanyiweene. Olelo va ecidade ya oBabilonia mathala. Moone ele Biblya aahimmaawe.
Mmusome Yesaya 13:19, 20, ni avinyaka mutthekule ni ipontu sinttharelana:
Yoolohera ela yakwanenle moota heeni?
Mathala a oBabilonia wIraque wa vaanaano
6. Biblya aathaliha itthu sineereya olelo va
Biblya onthaliha weera ninkhala “mahiku òmalihera”. (2 Timotheyo 3:1) Moone ele Biblya aahimmaawe sa mahiku awo.
Mmusome Matheyo 24:6, 7, ni avinyaka mutthekule ni ipontu sinttharelana:
Itthu heeni Biblya aahimmaawe weera saamukhumelela mahiku oomalihera?
Mmusome 2 Timotheyo 3:1-5, ni avinyaka mutthekule ni ipontu sinttharelana:
Biblya aahimme mikhalelo heeni saatthu a mahiku oomalihera?
Itthu heeni saahimmwale munonaanyu seereyaka olelo va?
ATTHU AKINA ANEERA: “Biblya ebuukhu yoosuweliwa ni ya ithale soowoothiwa.”
Mwa moonelo anyu etthu heeni enoonihera weera nimuroromeleke Biblya?
NYAHA SOOTTHUNEYA
Sooweereya, siyensia ni soolohera sinnoonihera weera nyuwo munoowera omuroromela Biblya.
Wuuluula
Neereke sooweereya sa mBiblyani soheereya tthiri?
Matakihero heeni anoonihera weera Biblya onnavarihana ni siyensia?
Nyuwo munnaroromela weera Biblya onnathaliha itthu sinrowa okhumelela muhoolo? Mwaha wa heeni munonaanyu hiiho?
WEERA MUSUWELE ITTHU SINTXIPALE
Sookhala itthu siri mBiblyani sihinvarihana ni siyensia?
“Será que a Biblia está de acordo com a ciencia?” (Mwaha va jw.org)
Itthu heeni sinoonihera weera ninkhala “mahiku oomalihera”?
“6 profecias bíblicas que estão se cumprindo hoje” (A Sentinela, 1.º de Maio de 2011)
Moone soolohera sa mBiblyani samuhima Mwene oGresia sikwanenle.
Musuwele sooweereya sa Andreas. Owo khaamuroromela Muluku. Moone moota soolohera sa mBiblyani saatxentxalaaya muupuwelo awe.
“Eu não acreditava que Deus existia” (A Sentinela, N.º 5 de 2017)
a Soolohera mitthenka sinkhuma wa Muluku sinrowa okhumelela muhoolo.