YOOSOMA 45
Ontaphulela heeni oheerela eparte elapo?
Yesu aahaleela atthareli awe weera ‘khamuneerela eparte elapo.’ (Yohani 15:19) Eyo enhela mpuwa, ohikhalano epartidu—naari okela okhottoni. Mene okhala oororomeleya wa Yehova ni ohipakela eparte elapo khohiyono ti wookhweya. Emaara ekina hiyo pooti oveehiwa mwaha woohipakela eparte elapo. Moota heeni hiyo nneeraahu nikhale oororomeleya wa Yehova niheerelaka empari elapo?
1. Tuuvi ori moonelo wa makristu woohima sa olamulelo wa atthu?
Makristu annaattittimiha anamalamulela. Mwa yeeyo, ninnapaka ele ninweraahu nttharihaka masu a Yesu aahimmaawe eeraka “Sa Sesari nvaheni Sesari” Entaphulela weera, ontthuneya wiiwelela malamulo a elapo nlivaka musonkho. (Marko 12:17) Biblya onxuttiha weera anamalamulela ekhanle mwaha wooweera Yehova owaakhulenle. (Aroma 13:1) Nto ninnasuwela weera anamalamulela aatthu aakhalano owera. Nave ninnasuwela weera owera araayano khonlikana ni owera Muluku oraaweno. Ni tho noosuwela weera Muluku paahi taneera awere omaliha moorweela mwa Omwene awe maxupo ootheene aatthu.
2. Ninkela woonihera hayi weera khanneerela eparte elapo?
Nimutakihaka Yesu, hiyo khanneerela eparte epoliitika. Atthu yoonakaru miiriira Yesu aapankaawe yatthuna onvara omwene, mene owo aakhootta. (Yohani 6:15) Mwaha wa heeni? Etthu aahimmaawe muhoolo mwaya ennanikhavihera waakhula nikoho nna: “Omwene aka khohiyo wa elapo ela.” (Yohani 18:36) Weera nikhale atthareli a Yesu, ninnoonihera weera khanneerela eparte elapo mwa makhalelo oovirikana. Mwa ntakihero, hiyo khaninrowa okhottoni. (Mmusome Mikeya 4:3.) Opwaha mwa, yeeyo hiyo khannisontta epoliitika naari khanimmukhavihera napoliitika naari candidaatu. Hiyo ninnattittimiha elapo yeeyo ninkhalaahu, mene khaninkokhorela ithonyero—sa elapo naari khaninvara—itthu sinvarihana ni seiyo. (1 Yohani 5:21) Iya itthu vakhaaneene sinnoonihera weera, ninnaroromela moomalela—Omwene wa Muluku.
WEERA MUXUTTERE SINTXIPALE
Moone itthu heeni seera seerere oheerela wanyu empari elapo ni moota heeni muneeraanyu mpake soothanla simmusiveliha Yehova.
3. Makristu eekhaikhai khenpakela eparte elapo
Yesu ni atthareli awe khayeerela empari elapo, ni hiyo nintthuneya otthara ntakihero naya. Mmusome Aroma 13:1, 5-7 ni 1 Pedru 2:13, 14. Avinyaka moone EVIIDIYU ni avinyaka mutthekule ni epontu enttharelana.
Mwaha wa heeni nintthuneyaahu waattittimiha anamalamulela aatthu?
Moota heeni nneeraahu niwoonihere weera ninnawiiwelela?
Maloko makina anhima weera khenpakela eparte elapo, mene ikwaha ikina annakhavihera ikhotto iyo. Vanonto eheeni entaphulelaaya oheerela emapari elapo mweekhaikhai? Mmusome Yohani 17:16. Avinyaka moone EVIIDIYU ni mutthekule ni ipontu sinttharelana.
Entaphulela heeni ohipakela eparte elapo?
Ni ankha wakhala weera anamalamulela aaneerela weera nipake etthu envirikanyiha malamulo a Muluku? Mmusome Miteko 5:28, 29. Avinyaka moone EVIIDIYU ni avinyaka mutthekule ni ipontu sinttharelana.
Wakhal weera malamulo aatthu ahoovekelani opaka etthu, ni malamulo a Muluku annoovekelani opaka etthu envirikana niiyo, mpuwa mwa malamulo ala meeli tiniivi nintthuneyaahu wiiwelela?
Neereke munnawera wuupuwela itthu sineera siweerihe makristu ohiiwelela malamulo aatthu?
4. Muheereleke empari elapo mmuupuweloni ni mmitekoni
Mmusome 1 Yohani 5:21. Avinyaka moone EVIIDIYU ni avinyaka mutthekule ni ipontu sinttharelana.
Nviidiyuni, mwaha wa heeni Ayenge aathanlalaawe oheerela empari epartiitu ya epoliitika naari sinvarihana ni wuulumiha ebandera?
Nyuwo munoona weera owo aapaka yoothanla yooreera?
Itthu heeni ikina seera seerere oheerela wahu empari epoliitika? Moone EVIIDIYU. Avinyaka mutthekule ni ipontu sinttharelana.
Wakhala weera elapo ahu enoowana ni elapo ekina moota heeni nneeerahu nihipakele eparte elapo?
Moota heeni nneeraahu nihipakele eparte elapo vaavo anapoliitika ampakaaya soothanla seiyo sinnitapha?
Moota heeni itthu nniiwaahu ni sa atthu akina ni mitthenka sineeraaya sitaphe oheerela wahu empari epoliitika?
Itthu heeni mukristu ontthuneeyaawe oheerela eparte elapo mmuupuweloni ni miteko?
WAKHALA WEERA MUTTHU OHOOKOHANI: “Mwaha wa heeni nyuwo muhimpakelaanyu eparte itthu ntoko wuulumiha ebandera naari omwiipa (saudar) hino nacional?”
Moota heeni mweeraanyu mmwaakhule?
NYAHA SOOTTHUNEYA
Makristu aniilipihera vantxipale weera eheerele empari elapo mmasuni mmuupuweloni ni mmiteko mwaya.
Wuuluula
Ninkele woonihera hayi weera ninnawiiwelela anamalamulela a elapo?
Mwaha wa heeni nintthuneyaahu oheerela empari elapo?
Itthu heeni seera seerere oheerela wahu empari elapo?
WEERA MUSUWELE ITTHU SINTXIPALE
Muniilipihere hayi weera musempe ohipakela eparte elapo?
Eheeni itthoko sinkelaaya opaka weera siireherere ehinaaye ophiya ehuhu yoweereriwa?
Mwaha wa heeni weerela eparte elapo nihikhanlaaya nttittimiho wa mutthu?
Moone moota woohipakela eparte elapo mwapakaka soothanla voohima sa muteko.
“Yoole ori mutthu ateexe muritti awe” (A Sentinela, a 15 a Março a 2006)