Moota heeni woovarihela muteko empari ya “Otthekula ni nyaha sa mBiblyani”

Mareherero a Yehova enniilipihera vantxipale weera ereherere nyaha simphwanyeya va empari ya “Otthekula ni nyaha sa mBiblyani”. Anamalaleera antxipale ennakhumela nnene mmutekoni moolaleera evarihelaka muteko makoho ene yaala emphwanyeya empari ya otthekula ni nyaha sa mBiblyani. Mene makhalelo toovirikana elapo ni elapo, nto mwaha wa yeeyo, emaara anamalaleera enlaleyaaya pooti ovarihela muteko makoho makina naari pooti wuuluma mwaha oneera waavare murima atthu amuttetthe aya. Ekhaikhai weera yakhala ekampanya especial ootheene hiyo nintthuneya ottharaka miruku ninvahiwaahu. Yoolakelaahu otthara yooruma ya Yesu ya olaleya mitthenka sooreera sa Omwene.—Mt 24:14.

Yoothanleliwa ya anamasoma, anamalaleera empaka empari ya otthekula woopatxera naari otthikela oxekura, ontthunya weera evariheleke muteko nyaha simphwanyeya empari ya “Otthekula ni nyaha sa mBiblyani” va ekadernu ya vamweerini. Wahikhala weera sookhala miruku mikina, anamalaleera pooti othanla nikoha na otthekula woopatxera ni otthikela oxekura ni yoolepa moovarihana ni makhalelo amuttetthe aya, mene soothanla iyo, sintthuneya weera ivarihaneke ni mwaha omphwanyeya va empari ya otthekula ni nyaha sa mBiblyani. Etthu ela ennatxentxa miruku simphwanyeya epaxina 8 a ekadernu ya vamweerini ya Junho a 2020.