Nyuwo Mwaasuwela?

Mwaha wa heeni nsiya naari ekhuntta yaakhuleliwaaya ovaha ntoko makeya?

MOORWEELA mwa nlamulo, naari nsiya kapena ekhuntta saari soowaakhuleliwa ni Yehova. Apalame ala eeli, yannaromoliwa moovarihana ni malamulo voohima sa sooveleela nave yannatxentxihaniwa ni itthu ikina. (Onam. 1:14; 12:8; 14:30) Mwaha wa heeni yaaveleeliwaaya apalame ela? Mathowa makina yaari yooweera khuwaakhweya ophwanya masiya naari ikhuntta. Mwaha wa heeni?

Masiya apalame enkhala elapo yootheene ya ana Israeli ehuhu ya elimwe. Nyeeri sootheene sa Outubro, awo ennithaamela ilapo sinneela nsuwa [sul], ilapo sooviha etthikaka eyiita. (Etx. 2:11, 12; Yer. 8:7) Ehuhu ya ana Israeli, eyo yaataphulela weera waamwaaxupa oveleela ntoko makeya nsiya ehuhu ya elimwe.

Moovirikana, ekhuntta khaasaalaka ekwaha erowa mapuro makina, nto ana Israeli yannakhalano ehuhu yootheene. Opwaha mwa yeeyo, ikhuntta sanwereya ohuwa. (Mulikanxere ni yoolepa ya Yohani 2:14, 16.) Moovarihana ni soohimmwa sa ebuukhu, Plantas da Bíblia e Animais, “mittetthe sootheene ni icidade sa oPalestina saakhala ikhuntta. Tivawonto, yoole aahuwa ikhuntta aakhalano ihiili sa ikhuntta.”—Mmulikanxere ni yoolepa ya Yesaya 60:8.

Eyo yooniheka weera Yehova aakhano nsivelo ni oohikuxeraxa vaavo aakhulelaawe yoovaha ntoko ipalame seiyo ana a Israeli yaakhalannaaya kapena yaakhalanaaya eyaakha yootheena.