Yooweereya yeekhaikhai

Mwaamoreleke ikharari atthu ootheene

Nihiku tinno, murokora mmoha a oNova Zelãndia aahoonela eviidiyu “Mukosoopaneke mukina ni mukhwaawe,” va esite jw.org. Eviidiyu eyo enniiwanyeiha weera Yehova ohiya paahi waamorela ikharari atthu, owo onnapaka etthu weera aakhavihere. (Yes. 63:​7-⁠9) Murokora ole noomala woona eviidiyu ele, aalakela ovarihela muteko miruku iye owo aaxuttenraawe ni annaasaasera iparakha sa moota woowaamorela ikharari atthu akina. Muhoolo mwaya nihiku nene nenne, murokora ole aarowa oloja ni amphwanya moradora de rua. Murokora ole aahiivaherera weera amuthumele yootxa muthiyana ole, ni owo aahaakhela yootxa ele. Emaara murokora ole aatthikaawe akunxeene yootxa, aattottela mureerelo weera omulaleere avarihelaka muteko efolhetu Ohaawa onoomala?

Muthiyana ole aamoriha maithori. Owo aamuleela murokora ole weera aahuuwale ni emusi ya anamoona a Yehova, nto owo khaakenle ohoolo moomunepani mwa iyaakha sintxipale sa muttuli. Menento emaara ele murokora ole amphwannyaawe muthiyana ole eera avekenleene nikhavihero wa Yehova weera otthikele wa yoowo. Nto murokora ole anvaha Biblya muthiyana ole ni yaalaihana weera epatxere omusoma Biblya ni muthiyana ole.a

Nave-tho hiyo, ntoko Yehova, ninnnatthuneya waamorela ikharari atthu ootheene, waahela mpuwa amusi ahu ni asinna a mmulokoni. Opwaha mwa yeeyo, hiyo ninnatthuneya waasaasera iparakha sa moota woowaamorela ikharari atthu ootheene naalaleeraka.