Nvariheleke muteko ‘yoovaha enkhuma wa Muluku’

Otheene hiyo, onnansivela olipihana ni olipihiwa vaavo ninkhala ahu ni asinna ni asirokora. Biblya onhima weera mukhalelo woolipihana mukina ni mukhwaawe ‘yoovaha enkhuma wa Muluku.’ (Arom. 1:11, 12) Olipihana mukina ni mukhwaawe khaiyene paahi oviriha etempu vamoha. Vanonto, etthu heeni nintthuneya ahu opaka weera nroromeleke wakhala weera ninnavarihela muteko yoovaha eyo?

Mulipiheke ni masu anyu. Mwa ntakihero, mwaavahaka ikomentaariyu omuthukumanoni ti wooreera ohuuluma vantxipale woohima sa miyuupuwelo sanyu. Ohiya opaka eyo, ti wooreera wuuluma itthu nixuttenra ahu woohima sa Yehova, sa mBiblyani ni woohima sa arumei akina oororomeleya. Ni vaavo nintthekula ahu ni asinna, hiyo pooti wuuluma nyaha sinlipiha nroromelo nahu, ni nroromelo naya.

Mwaalipiheke akina moorweela mwa soothanla sanyu ni soopaka sanyu. Asinna akina ennailipihera weera evirelele mmutekoni mwa ehuhu yootheene nnaamweera evirihaka maxupo. Akina ennavaha ntakihero nooreera yoonelaka mithukumano sootheene nnaamweera evirihaka maxupo a mweekumini naari ekhalaka ookhulumuwa mwaha wooviriha nihiku nootheene evaraka muteko. Wakhala weera nyuwo munnaviriha itthu ntoko iya, nnaamweera ohikhalaka wookhweya wa nyuwo, ntakihero nanyu ninnaalipiha asinna.

Nyuwo munoonela hayi? Neereke nyuwo munnaalipiha asinna moorweela mwa masu anyu ni ele munpakaanyu? Neereke muri oolikaneene owiiwexeexa asinna eneera yoolipihekeni moorweela mwa masu aya ni itthu empaka aya?