16 Muhite epwittipwitthi eyo, nto ephome aya mutathele ipantte sootheene sa altaari.+ 17 Muthikilele epwittipwitthi eyo, murapihe marupo aya+ ni metto saya, ni mwaatalele valtaari enama eyo ethikileliwe. Nto, epetaaso emosa ewehaneke ni epetaaso ekina, okhuma waametto mpakha waamuru. 18 Mpahe epwittipwitthi yootheene, wiira okhumeke mwiixi valtaari. Eyo yoovaha para opahiwa enivahiwa Yehova, yoowunkhela saana.*+ Eyo yoovaha yoopahiwa enivahiwa Yehova.

18 Vano, aahiruuha epwittipwitthi yoolopwana ya yoovaha para opahiwa. Nto Aroni ni anaawe, yaahiixaatherya matata aya vamuru va epwittipwitthi eyo.+ 19 Moise aahiiva epwittipwitthi eyo, nto ephome aya aahitathela ipantte sootheene sa altaari. 20 Aahithikilela enama eyo ipetaaso sene, nto muru aya, ipetaaso saya, ni ekortuura aya, aahipaha. 21 Moise aahirapiha marupo ni metto sa epwittipwitthi eyo. Nuumala-vo, aahipaha epwittipwitthi yootheene valtaari. Eyo yaari yoovaha para opahiwa yoowunkhela saana. Yaari yoovaha yoopahiwa enivahiwa Yehova, siisaale ntoko Yehova aamurumme awe.

12 Aroni aahiiva enama ya yoovaha para opahiwa, nto anaawe yaahinvahererya ephome ya enama eyo. Vano owo aahitathela ephome eyo mipantta sootheene sa altaari.+ 13 Awo yaahinvahererya ipetaaso sa enama ya yoovaha para opahiwa vamosa ni muru. Nto Aroni aahipaha valtaari. 14 Nave-tho, aahirapiha marupo ni metto sa enama eyo, opaha valtaari, vasulu va yoovaha para opahiwa.