33 Siiso, Moise aahaavaha awo, eyo piiyo, anamwane a Gadi, anamwane a Rubeni,+ ni nimeya na nihimo na Manase,+ mwaana a Yosefe, omwene wa oSihoni,+ mwene a amori, ni omwene wa Oogi,+ mwene a oBaxani. Aahaavaha elapo yootheene ni ipooma sootheene saarukurerya elapo eyo.

12 Okathi ole, naahikuxa elapo ela: elapo eyo yaapacerya wAroweri,+ yeeyo enikhala nxepa na Arinoni, mpakha nimeya ni muttetthe wa omiyaakoni wa oXileyaadi. Nto kihaavaha ipooma sa elapo ela, atthu a nihimo na Rubeni ni Gadi.+ 13 Muttetthe waahanle wa oXileyaadi ni oBaxani wootheene, weiwo wiirela mpantta omwene wa Oogi, kihaavaha atthu a nimeya na nihimo na Manase.+ Muttetthe wootheene wa Argobi, yoowo waari wa oBaxani, waahisuweliwa okhala elapo ya arefayimi.

8 Vano nimeya nikina na nihimo na Manase, ni nihimo na Rubeni, ni nihimo na Gadi, yaahikuxa ntoko etthu yoohiyeriwa muttetthe Moise aavanhe awe, mpantta onikhuma nsuwa wa muro Yordani, siisaale Moise, murumeyi a Yehova aavanhe awe:+